SPECTRUM

2011-09-14T05:01:00.000-07:00

TRP trap

2011-09-14T04:57:00.000-07:00

MURDOCH's Media misdeeds--5

2011-08-21T01:24:00.000-07:00

MURDOCH's Media misdeeds--4

2011-08-21T01:18:00.000-07:00

MURDOCH's Media misdeeds

2011-08-01T01:27:00.000-07:00

SivaLenka SambhuPrasad-Great Editor Of yester years

2011-08-01T01:14:00.001-07:00

2011-08-01T01:10:00.000-07:00

2011-07-27T00:39:00.000-07:00

MURDOCH's Media misdeeds

2011-07-21T05:07:00.000-07:00

2011-04-13T03:46:00.000-07:00

2011-04-13T03:37:00.000-07:00

2011-04-13T03:30:00.000-07:00

2011-04-13T03:10:00.000-07:00

Relevance of science and religion సైన్స్, మతమూ రెండూ అవసరమే-Andhrajyothy daily 11.02.2011

2011-02-12T03:08:00.000-08:00

చాలా సందర్భాలలో సైన్స్‌తో మతాన్నీ, దేవుడిని ముడిపెట్టి వ్యాఖ్యానిస్తుంటారు. సైన్స్ చెప్పలేనిది ఆధ్యాత్మికత వివరిస్తుందనీ, దేవుడు సైన్స్‌కు అతీతమని సైతం వివరిస్తూ ఉంటారు. ఐన్‌స్టీన్, శంకరాచార్యులు చెరో దారిన బయలుదేరి అన్వేషిస్తూ చివరకు ఓ చోట (సదరు బాబా పాదాల చెంత) కలిశారని కూడా కొన్నిచోట్ల వినబడుతూ ఉంటుంది. మతం లేని సైన్స్ గుడ్డిది, సైన్స్ లేని మతం కుంటిది అని మహా శాస్త్రవేత్త ఐన్‌స్టీన్ వ్యాఖ్యానించారని కూడా కొందరు గుర్తు చేయవచ్చు.

వాస్తవానికి మతాన్ని గానీ, దేవుడనే భావనను గానీ వివరించి చెప్ప డం సైన్స్ పనికాదు. దేవుడు ఉన్నాడని గానీ, లేడని గానీ సైన్స్ చెప్పదు. దేవుడు ఆధారంగా ప్రారంభమయ్యే మతం గురించి సైన్స్ చెప్పే అవకా శం అసలు లేదు. మనిషి అనుభవంలోకి వచ్చిన వాటిని వివరించేది సైన్స్. లేదా మనిషి తన పరిధిలో తెలుసుకునే విషయ పరంపరను హేతుబద్ధం గా సైన్స్ వివరిస్తుంది. తెలియని వాటికి ఆదిమానవుడు భయపడేవాడు. రాత్రి ఎందుకు ఏర్పడుతుందో, వర్షం ఎప్పుడు కురుస్తుందో, గ్రహణం ఎలా ఏర్పడుతుందో తెలిసేది కాదు. ఇవి బోధపడనటువంటి కాలంలో ఇటువంటి విషయాలతో ముడిపడి మత సంబంధమైన, పురాణగాథలు అన్ని దేశాల్లో ప్రచారంలో ఉన్నాయి.

ఇక్కడ మరో అంశం గురించి చెప్పుకోవాలి. సైన్స్ రావడంతో చాలా అపోహలు పటాపంచలయ్యాయి. అపోహలతో ఆధారపడి జీవనోపాధి సాధించుకుంటున్న వారికి ఇటువంటివి సహజంగా ఆనందం కలిగించవు. ఫలితంగా వీరు సైన్స్ అవగాహనను వ్యతిరేకించడం కూడా ఉంటుంది. ఉద్రేకపరులు, ఉత్సాహవంతులు ఇరువైపులా ఉంటారు. సైన్స్ రాకతో మతం పలాయనం చిత్తగించిందనే వ్యాఖ్య ఇటువంటి సందర్భాలలోనే వినబడుతూ ఉంటుంది. కేవలం ఇటువంటి సందర్భంలోనే 'సైన్స్-మతం' సంబంధించి రకరకాల వ్యాఖ్యానాలు తారసపడుతూ ఉంటాయి.

ప్రకృతిలోని దృగ్విషయాలను వివరించడంతో సైన్స్ మొదలవుతుంద ని మొదటే చెప్పుకున్నాం. ప్రకృతి అంటే కంటికి కనపడే దాని నుంచి కన్ను చూడలేని దూరం దాకా వ్యాపించిందని మనకు తెలుసు. అలాగే కన్ను చూడలేని దానిని కూడా కొట్టి వేయలేం. ఇక్కడే టెలిస్కోప్ వంటి పరికరా లు మనిషికి దోహదపడతాయి. స్థూల జగత్తును మాక్రో వరల్డ్ అనీ, సూక్ష జగత్తును మైక్రో వరల్డ్ అని పేర్కొంటుంటాం.

సైన్స్-మతం గురించి ప్రస్తావించుకున్నప్పుడు మరో పార్శ్వం ఉంది. దయ, ప్రేమ, సహనం, కారుణ్యం వంటి మానవీయ భావనలను సైన్స్ వివరించజాలదు. ఈ గుణాల అవసరం గురించి మతం చాలా స్పష్టంగా చెబుతూ ఉంటుంది. ఈ గుణాలు మనుషులలో ఎందుకు ఉన్నాయో, లేదా ఎందుకు లేవో లేదా ఎందుకు తగ్గుతున్నాయో-సామాజిక శాస్త్రాలు చెప్పవచ్చు. కానీ విజ్ఞాన శాస్త్రాలు ప్రస్తుతం వివరించే అవకాశం లేదు. సైన్స్ తనకు తెలిసింది వివరిస్తుంది. అంతే! సైన్స్ పరిధిలో లేని దేవుడి గురించి వివరించమనడం అర్ధరహితం.

అందుకే బుద్ధుని వంటి తాత్వికు లు దేవుడు ఉన్నా, లేకపోయినా మనం పట్టించుకోనక్కర లేదు అని భావిస్తారు. కేవలం సాటి మనిషి,అతడి సంక్షేమం ప్రధానమని కూడా బుద్ధుడు బోధించాడు. అంతేకాదు 'శాస్త్రీయ దృక్పథం' అనే దానికి బుద్ధుడు 2500 సంవత్సరాల కిందట చెప్పిన విషయాన్ని నిర్వచనంగా ప్రపంచం అంగీకరించింది.

అదే సమయంలో మత విశ్వాసాలు గల సమాజాన్ని దూషించడం కూడా సైన్స్ పనికాదు. దేవుడు, మతం అనే వాటిని తిరస్కరించడం కూడా తగదని కొందరంటారు. మనంచేసే పనుల గురించి, వాటి ఫలితా ల గురించి ఎక్కువ ఆలోచించడం, ఆశించడం కూడదని చాలా మంది చెబుతూ ఉంటారు. అలా ఎక్కువ ఆశిస్తే, నిరాశ ఎదురయినపుడు తీవ్రం గా క్షోభకు లోనవుతారు. ఇటువంటి సందర్భాలలో బరువు దించుకునే ఉపకరణంగా దేవుడనే భావన దోహదపడాలి.

ఇక్కడ చిన్న ఉదాహరణ ఉంది. అడవిలో కట్టల మోపుతో వస్తున్న మనిషికి సాయం చేయడానికి తోడు ఎవరూ ఉండరు. కానీ ఆ వ్యక్తికి దాహం వేయవచ్చు, లేదా ప్రకృతి కార్యం సంబంధాల అవసరం ఏర్పడవచ్చు. మరి అటువంటి సమయం లో పరిష్కారం ఏమిటి? అందుకే ఆరడుగుల రాతి స్తంభం నాటుతారు అక్కడక్కడ. దానికి రెండు మూడు మెట్లు కూడా ఉంటాయి.

మనిషి ఎత్తు బట్టి ఎక్కడో ఒక చోట నిలబడి ఆ రాతి స్తంభం మీద మోపును జొనిపి పెట్టవచ్చు. పని అయిన తర్వాత, అలాగే ఆ మోపును నెత్తి మీద పెట్టుకోవచ్చు. ఈ ఏర్పాటు 'శుమైతాంగి' అని అంటాడు. చాలా అందంగా కనబడుతుంది ఈ పదం. అడవిలో ఉండే ఈ 'శుమైతాంగి' ఏర్పాటు వంటిది దేవుడనే భావన. మనిషి తనకుండే మానసికమైన బరువును దేవుడి మీద ఉంచవచ్చు. అవసరం లేని వారికి అవసరం లేదు. అడవిలో ఉండే 'శుమైతాంగి'ని అంద రూ వాడాలని లేదు.

కానీ అవసరమైన వారికి ఇది ఎంతో దోహదపడుతుంది. దేవుడనే భావన కూడా అంతే! అదే సమయంలో దేవుడు, మతం భావనల ఆధారంగా అర్థంలేని నమ్మకాలనూ, ఆచారాలను అంగీకరించనవసరం లేదు. వాటిని విడమర చి చెప్పడం అనే పనిని సైన్స్ వాదులు స్వీకరించవచ్చు. ఎందుకంటే సర్వమానవాళి సంక్షేమాన్ని సైన్స్ కోరుకుంటుంది కనుక. సున్నితమైన ఈ తేడాను గమనించకుండా పరుషంగా ఇరువర్గాలు పరస్పరం దూషించుకోవడం అర్ధరహితం. నిజానికి సమాజానికి ఈ రెండింటి అవసరం ఎంతో, ఎలానో తెలుసుకుని అంత వరకే వాడుకునే అప్రమత్తత మనిషికి చాలా అవసరం. అటువంటి ఆలోచనా ధోరణి నేడు ఎంతో ప్రయోజనకరం.
-డాక్టర్ నాగసూరి వేణుగోపాల్

new ventures of Times Of India --Eevaram weekly

2011-02-12T03:01:00.000-08:00

Aditya sinha's stint as editor in the new indian express

2011-02-01T08:25:00.001-08:00

Ombudsman at HMTV- A respectable initiative : Eevaram- 23rd Jan 2011

2011-01-29T18:42:00.000-08:00

మన జీవితం, మన భవిష్యత్తూ..! andhra jyothy 28-1-11

2011-01-28T10:59:00.000-08:00

గణితాన్ని విజ్ఞాన శాస్త్రాలలో మహారాణిగా పరిగణిస్తారు. నిజానికి గణితం అనేది సైన్స్‌కు పరిభాష. గణితాత్మకంగానే సైన్స్ అవగాహన సాగుతుంది. అలాగే భౌతికశాస్త్రం విశ్వం గురంచీ, దాన్ని నడిపే శక్తి గురించీ వివరిస్తుంది. అణువు నుంచి అంతరిక్షం దాకా భౌతికశాస్త్ర పరిధిలోకి వస్తాయి. అయితే పదార్థం అంతర్గత నిర్మాణం, చర్యల గురించి వివరించేది రసాయన శాస్త్రం.

ఆహారం, ఔషధాలు, ఇంధనం... ఇలా చాలా విషయాలను రసాయన శాస్త్రమే చెప్పాలి. మరో రకంగా చూస్తే తయారు చేయబడే అన్ని పదార్థాలు, సంగ్రహించబడే అన్ని పదార్థాల గురించి రసాయన శాస్త్రం వివరిస్తుంది. అందుకే రసాయన శాస్త్రాన్ని 'సెంట్రల్ సైన్స్' అని అంటారు. ఇక్కడ సెంట్రల్ అనే దాన్ని 'కీలకం' అని మనం అనువదించుకుంటేనే పూర్తి అర్థం బోధపడుతుంది. గణితం, భౌతిక, రసాయన శాస్త్రాలు ఎన్ని విషయాలు చెప్పినా, ఈ ప్రపంచం, జీవులు ఎందుకు కదులుతాయో అందుకే తొలి మూడింటిని భౌతిక శాస్త్రాలు అని పరిశీలిస్తే, మిగతా వాటిని జీవ శాస్త్రాలు అని అంటారు.

అసలు ఈ విషయాలు చెప్పుకోవడానికి సందర్భం ఉంది కనుకనే, ఈ ముచ్చట్లు! 1911లో మేడమ్ క్యూరీకి నోబెల్ బహుమతి రసాయన శాస్త్ర విభాగంలో లభించింది. అది ఆమెకు రెండవసారి! నిజానికి క్యూరి అంటే బహువచనం-పియరీ క్యూరి, మేరి క్యూరి దంపతులు. మేరి- పియరి క్యూరి విద్యార్థిని. వారు ప్రేమించుకుని 1860లో వివా హం చేసుకున్నారు. రేడియో ధార్మికత గురించి వీరిరువురు పరిశోధిం చి థోరియం రేడియో ధార్మిక మూలకంగా కనుగొన్నారు. తర్వాత 1898లో వారు పొలోనియం, రేడియం అనే మూలకాలను కనుగొన్నారు.

ఈ కృషికి వారు 1902లో నోబెల్ బహుమతిని కలిసి అందుకున్నారు. అయితే 1906లో పియరి క్యూరి రోడ్డు ప్రమాదంలో మరణించాడు. రేడియో ధార్మిక పరిశోధనల కారణంగానే మేరికి క్యాన్సర్ వచ్చిందని భావన. మేరి కుమార్తె ఐరిన్, మేరి సహాయకుడు ఫ్రెడిరిక్ జూలియట్ ను వివాహమాడింది. వారిరువురు 1935లో రసాయనశాస్త్రంలో నోబెల్ బహుమతి అందుకున్నారు. వీరు కూడా రెండు సంవత్సరాల వ్యవధి లో (1956, 1958 లలో) క్యాన్సర్‌తో మరణించారు. మూడు నోబెల్ బహుమతులు సాధించిన నలుగురి కుటుంబం ఇది.

నిజానికి మేరి క్యూరి జీవితం గమనిస్తే ఒక జానపద కథలాగా ఆశ్చర్యం కలిగిస్తుంది. అంతులేని స్ఫూర్తిని మిగుల్చుతుంది. రసాయ న శాస్త్రం ప్రాధాన్యం పట్ల, అవసరం పట్ల అవగాహన తగ్గుతున్న సమయంలో మేరి క్యూరి సైన్స్ త్యాగాన్ని గుర్తుచేసుకుంటూ 2011 సంవత్సరంను 'అంతర్జాతీయ రసాయన శాస్త్ర సంవత్సరం'గా గుర్తించారు. మేరీక్యూరి విజయానికి శత వార్షికమని స్ఫురిస్తూ ఈ అంతర్జాతీయ సంవత్సరం ప్రకటించబడింది. రసాయన శాస్త్రం విజయాలను ప్రస్తుతిస్తూ, మానవ జాతికి అది చేసిన మహత్కార్యాలను గుర్తుచేస్తూ 2011 సంవత్సరం కార్యక్రమాలు సాగాలని 'అంతర్జాతీయ రసాయన శాస్త్ర సంవత్సరం' నిర్ణయించింది.

మనకు తెలిసిన జగత్తు అంతా ఘన, ద్రవ, వాయు రూపంలోనే ఉంటుంది. రసాయన శాస్త్ర అపరమైన అవగాహన బట్టే మనకీ ప్రపం చం బోధపడుతుంది. నిజానికి అన్ని జీవ వ్యాపారాలూ (క్రియలు) రసాయన చర్యల ద్వారానే నియంత్రించబడతాయి. అయితే అన్ని శాస్త్ర విభాగాల లాగానే రసాయన శాస్త్రాన్ని కూడా మనం నిర్లక్ష్యం చేస్తున్నాం. ఇది ఇలానే కొనసాగితే రసాయన శాస్త్ర పురోగతి మాత్రమే కాకుండా, మానవ కోటి భవిష్యత్తు కూడా గాయపడుతుంది. విజ్ఞాన శాస్త్రాలలో కీలక స్థానాన్ని ఆక్రమించిన రసాయన శాస్త్రం విజ్ఞానపు పార్శ్వాన్ని, కళాత్మక కోణాన్ని మరింత విపులంగా గుర్తుచేయాలని రసాయన శాస్త్రజ్ఞుల ప్రపంచం తహతహలాడుతోంది.

ముఖ్యంగా బాల బాలికలలో రసాయన శాస్త్రం పట్ల ఆసక్తి కలిగించాలని ప్రధానం గా భావిస్తున్నారు. కెమిస్ట్రి క్లాసంటే బోరు అని ఎంతో మంది బాలబాలికలు భావించడానికి కారణం ఎవరో తెలుసా? అలా బోధించే మన ఉపాధ్యాయులూ, మన బోధనా విధానాలూ! ఇది భవదీయుడి అభిప్రాయం కాదు. డాక్టర్ పి.ఎస్.ఎన్. రావు వంటి ప్రఖ్యాత శాస్త్రజ్ఞుడి ఆలోచనా సరళి. దీని గురించి కూడా ప్రస్తుతం మనం దృష్టి పెట్టాలి. ఇక్కడ విజయం సాధిస్తే, మరింత గొప్ప పరిశోధనకు ద్వారాలు తెరుచుకొంటాయి.

వాస్తవానికి మారిన విజ్ఞాన పరిస్థితుల్లో రసాయన శాస్త్రం పరిధి అంతులేనిది. జీవశాస్త్రపు లోతులు చూడటానికి రసాయన శాస్త్రం ఒక దివిటీలాగా దోహదపడుతుంది. ఆరోగ్యం, రోగం గురించి బోధపడాలంటే జన్యు స్థాయిలో రసాయన ప్రక్రియలు అవగతం కావాల్సి ఉంది. 2009 సంవత్సరం రసాయన శాస్త్రపు నోబెల్ బహుమతి భారతీయ సంతతికి చెందిన వెంకట్రామన్ రామకృష్ణన్‌కు వచ్చింది. ఇదే కాదు, ఇటీవల నోబెల్ బహుమతులన్ని,జీవవ్యవస్థల రసాయన ధర్మా లు వివరించడానికే కేటాయించబడ్డాయి. ఆరోగ్యం, పర్యావరణం వం టి వాటికి సంబంధించి పూర్తి సమాచారం కావాలంటే రసాయన శాస్త్రం ఎంతో అవసరం. ఈ రెండు అంశాలు ఆరోగ్యం, పర్యావరణం అనేవి మనగల అభివృద్ధిని సాధించే విద్యకు చాలా కీలకం. అటువంటి విద్యా సాధనకు ఐక్యరాజ్య సమితి ఒక దశాబ్దాన్ని ప్రకటించింది.

అందుకే రసాయన శాస్త్రాన్ని ఇష్టపడుదాం, అర్థం చేసుకుందాం, మరింత మంచి పరిశోధన చేద్దాం, మరింత అర్థవంతమైన, భద్రత గల భవిష్యత్తును రూపొందించుకుందాం. ఈ దిశలోనే 2011లో వివి ధ విజ్ఞాన శాస్త్ర సంబంధమైన కార్యక్రమాలు రూపుదిద్దుకోవాలి. ఎందుకంటే రసాయన శాస్త్రం అనేది మన జీవితమూ, మన భవిష్యత్తూ కనుక!

-

సైన్స్ ఉద్యమానికి సవాళ్లు - 17th Dec,2010

2011-01-19T05:34:00.000-08:00

సైన్స్ అంటే సత్యపథం, ఆశావాదం, కపటం లేని విధానం! ఈ విషయాలు పేర్కొనడానికి కారణాలున్నాయి. సైన్స్ ఆధారంగా ఏర్పడిన సంస్థలు ఉద్యమాన్ని నిర్వహిస్తున్నాయి. సైన్స్ ద్వారా ఆరోగ్యం, ఆహారం, ఆయుష్షు సాధ్యం కావాలని శ్రమిస్తున్నాయి. అర్ధరహితమైన నమ్మకాలు, దోపిడీ సాగకూడదని భావిస్తాయి. ఎన్నో సంవత్సరాలుగా పాతుకునిపోయిన మూఢనమ్మకాలు ఇంకా విస్తరిస్తున్నాయి. కానీ తగ్గుముఖం పట్టడం లేదు. దీనికి టెక్నాలజీ సైతం దోహదపడవచ్చు. అసంగతమైన నమ్మకాలకు పురిగొల్పే టీవీ సీరియళ్లు, కార్యక్రమాలు విరివిగా ప్రసారం కావడంలో టెలివిజన్ అనే టెక్నాలజీ పాత్ర చాలా ఉంది. దీనికి మించి కొత్త రకం సమస్యలు తలెత్తుతున్నాయి. వీటి స్వరూపం గుర్తించే క్రమంలో బోల్తాపడకూడదు.

ఇటీవల హైదరాబాద్ నగరంలో ఒక సదస్సు జరిగింది. దీని సారాం శం ఏమిటంటే మొబైల్ ఫోన్ల వాడకంతో సమస్యలు లేవనీ, అది కేవలం అర్ధరహిత ప్రచారమని. ఆ మేరకు మరుసటి రోజు పత్రికలలో వార్తలు వచ్చాయి. ఈ సదస్సును మొబైల్ కంపెనీలు ఖర్చుతో నిర్వహించారు. అందువల్ల ఏ గూటి చిలుక ఆ గూటి పలుకే వల్లిస్తుంది. ఈ వార్త ప్రచురింపబడిన రోజునే ఆరోగ్య కార్యక్రమంలో మొబైల్‌ఫోన్‌తో అనర్థాలు చాలా ఉన్నాయని టీవీ చానల్ ప్రసారం చేసింది. నిజానికి ఈ పరిస్థితిని కూల్‌డ్రింకులలో రసాయనాల అంశంతో పోల్చవచ్చు. శీతల పానీయాలలో రసాయనాలున్నాయని సహేతుకంగా రుజువైనా, ప్రచారం పుణ్యమా అని చాలామంది దాన్ని పూర్తిగా నమ్మడం లేదు. ఈ స్థాయిలో శీతలపానీయాల సంస్థలు ప్రచారాన్ని సాగిస్తున్నాయి.

శీతలపానీయాల లోగుట్టును వెలికి తీయడానికి స్వచ్ఛంద సంస్థలూ, సైన్స్ సంస్థలూ చాలా పాటుపడ్డాయి. కొంత విజయం సాధించాయి కూడా! తర్వాత సైన్స్ సంస్థలు ఈ విషయం పట్ల కాస్త వెనుకంజవేయ డం, దాంతో శీతల పానీయాల సంస్థలు ప్రచారాన్ని ఉధృతం చేయడం జరిగింది. అయితే మొబైల్‌ఫోన్ల వాడకం గురించి పెద్దఎత్తున అవగాహ నా కార్యక్రమాలు ప్రారంభం కావాల్సి ఉంది. అంటే టెక్నాలజీ ముసుగున మన ఆరోగ్యం, ఉనికి మొదలైన వాటిని దెబ్బతీసే వాటిని గమనించడం సైన్స్ ఉద్యమశీలుర తక్షణ కర్తవ్యం. మొబైల్ బెడద కేవలం ఒకటి మాత్రమే కావచ్చు.

మరింత పరిశీలన చేస్తే మరిన్ని సమస్యలున్నాయని బోధపడవచ్చు. ఇటీవల కాలంలో గ్రహణం, శాంభవి, మరేదో మూఢనమ్మకం.. ఇలా ఏది సంభవించినా టీవీ చానళ్లలో అరగంటకు తక్కువ కాకుండా చర్చలు ప్రసారం అవుతున్నాయి. ఇందు లో ఉదయం పూట జ్యోతిష్యం చెప్పే పండితులు ఒక వాదనకు నేతృత్వం వహిస్తుండగా; సైన్స్ సంస్థల వ్యక్తులు వారితో విభేదిం చే చర్చలో పాల్గొంటారు. అనుసంధానంగా ఉండే సమన్వయకర్త మాటలకు ఆజ్యం పోస్తూ, మంటలు ఎగిసే చర్చ జరపాలని ప్రయత్నిస్తారు.

ఎటువంటి వెలు గు లేకుండా కేవలం వేడి జిమ్ము తూ చర్చ ముగుస్తుంది. ఇరు వర్గాల తీవ్ర స్వరాలు గుర్తుంటా యి. కానీ చర్చ చివరకు ఏమి చెప్పిందో గుర్తుకురాదు. శృతిమించిన వాదనలు పెరిగి కొందరిని టీవీ కట్టేసేట్టు చేయవచ్చు. ఈ సందర్భంగా ఒక కీలకమైన విషయం గల్లంతు కావడాన్ని ఎక్కువమంది గుర్తించలేకపోతున్నారు. ఇటువంటి చర్చల వల్ల సైన్స్ సంస్థలకు కొంత ప్రచారం లభించవచ్చు. ఎక్కువ ఖర్చు, శ్రమ లేకుండా సాధ్యపడిన విషయం కూడా కావచ్చు. కానీ వీక్షకుల దృష్టిలో ఇలా విభేదించే వారిగా, గొడవపడే వారిగా సైన్స్ సంస్థల వ్యక్తులు గుర్తుండిపోవచ్చు.

కానీ సైన్స్ అంటే వీలయినంత ఎక్కువమంది దోహదపడే గొప్ప సాధనమని చెప్పలేకపోతున్నారని గమనించాలి. నిజానికి జ్యోతిష్యం, వాస్తు.. వంటివి ఉపాధి కల్పించే మార్గాలు. కానీ సైన్స్ ప్రచారం వంటివి హాబీగా సాగే పనులు. అందువల్ల మొదటి వర్గంవారు మరింత సంఘటితంగా, వ్యూహాత్మకంగా, లాఘవంగా సాగుతా రు. వారే ప్రచార మాధ్యమాలకు ప్రకటనలు కూడా ఇస్తారని గమనించా లి. కనుక ప్రసార మాధ్యమాలు కూడా ఎంతో కొంత జాగ్రత్తగా సాగుతా యి. దీనితో సైన్స్ అసలు ప్రయోజనం కనబడకుండాపోతోంది. కానీ కొంత ప్రచారం మాత్రం మిగులుతుంది. సైన్స్‌లేని ప్రచారంతో ప్రయోజనం ఏమిటో ఆలోచించాలి.

మరోవైపు విలువైన రాళ్లు, శని యంత్రాలు, హనుమాన్ కవచాలు విశృంఖలంగా ప్రచారం పొందుతున్నాయి. ఇంకోవైపు అర్ధరహితమైన కథనాలు సైన్స్ కథనాలుగా రక్తికడుతున్నాయి. అంతకు మించి సైకాలజి, సైన్స్, ఆరోగ్యం అటూ అర్ధరాత్రికి ముందు విచిత్రమైన కార్యక్రమాలు ప్రసారమవుతుంటాయి. ఈ తరహా అంశాల వల్ల ఏమి ప్రయోజనం ఉందో ఆలోచించాలి.

వీటిని విసర్జించాలని పోరాడేవారు ఎవరు? సైన్స్ సంస్థలకు ప్రచారం కల్పిస్తున్నారని ఇటువంటి పోకడలను ఉపేక్షించడం తగునా? అందుకే సైన్స్ ఉద్యమ సంస్థలను ఆలోచించమని కోరడం! ఎన్ని ప్రసార మాధ్యమాలు వచ్చినా, రాయడం అనేది చాలా మౌలికమైన అంశం. అది లేకుండా ఇతర మాధ్యమ రూపాలను మనం ఊహించ లేం. కానీ సైన్స్ రచయితలు ఎందరున్నారని ఎవరైనా అడిగితే చేతి వేళ్ల సంఖ్యను మించిన సంఖ్య రాకపోవడం నేటి విషాదం.

నలభై సంవత్సరాలలోపు సైన్స్ రచయితలు ఎవరైనా ఉన్నారా- అని ఎంతో మందికి సందే హం రావచ్చు. దీన్ని మరింత ముదరనిస్తే ముందు ముందు మరింత ప్రమాదం ముంచుకు రావచ్చు. కనుక సైన్స్ ఉద్యమ సంస్థలు నేడు పూర్తిగా దృష్టిపెట్టి, తమ కార్యాచరణ ప్రణాళికను రూపొందించుకోవాలి. లేకపోతే వాణిజ్య ఎత్తుగడలతో పోరాడుతూ, క్రమంగా ఆ వాణిజ్యానికే పావుగా మారిపోయే పరిస్థితి ఎదురుకావచ్చు!
-డా. నాగసూరి వేణుగోపాల్

సంగీతానికి టెక్నాలజీ దోహదం -3rd Dec,2010

2011-01-19T05:27:00.000-08:00

మినీ ప్రపంచంగా మొబైల్ పుట్టుకురావడం మరో ప్రభంజనం. చాలా ఫలితాలను అరచేతిలో అలవోకగా సాధించ గలగడం ఇందులోని మర్మం. సంగీతానికి సంబంధించి టెక్నాలజీ సౌలభ్యాన్ని, ప్రచారాన్ని, ప్రభావాన్ని విశేష రీతిలో సాధించగలిగింది.

సెన్స్, టెక్నాలజీ కారణంగా కలిగే ప్రయోజనాల గురించీ, అలాగే మరోవిధంగా వాడితే కలిగే వినాశనం గురించీ చెప్పడానికి- కత్తితో పోల్చడం చాలా కాలంగా ఉంది. కత్తిని రెండు రకాలుగా వినియోగిస్తాం అని చెప్పడం ఉద్దేశ్యం. కానీ, ప్రయోజనాల గురించి చాలా సందర్భాలలో చెప్పకోవాల్సినంతగా మనం ఘనంగా చెప్పుకోవడం లేదేమో! ఒక సంగీతం విషయం తీసుకుంటే టెక్నాలజీ చేసిన దోహదం ఎంతో విస్మయాన్ని కలిగిస్తుంది.

తొలి దశలో సైన్స్ అనేది సంగీతం తీరుతెన్నులు తెలుసుకోవడానికి తోడ్పడితే, తర్వాతి దశలో టెక్నాలజీ సంగీతానికి శాశ్వతత్వాన్ని, విశేషమైన ప్రాచుర్యాన్ని కలిగించింది. టెక్నాలజీ సౌలభ్యాలు లేకపోతే గాయనీ గాయకులు ఇంత హాయిగా ప్రావీణ్యం చూసి ఉండేవారు కాదు. ప్రకృతిని అర్థం చేసుకోవడంతో సైన్స్ మొదలై, అనుకరించడంలో వర్ధిల్లుతోంది. మనిషి గళం నుంచి వాయిద్యాల సంగీత ధ్వనులు అర్థం చేసుకోవడానికి శబ్దానికి చెందిన విజ్ఞాన శాస్త్రం గొప్పగా సహకరించింది. అలా సహకరిస్తూ తాను ఎంతో వృద్ధి చెందింది కూడా! హైస్కూలు, ఇంటర్మీడియట్ స్థాయిలో సంగీత వాయిద్యాలు ఎలా పనిచేస్తాయో అని వివరించే అంశాలు పరిశీలిస్తే చాలా ఆసక్తికరంగా ఉంటుంది.

ఘంటసాల సాంస్కృతిక చైతన్య వేదిక ఇటీవల విజయవాడలో ఒకరోజు పాటు కార్యక్రమం నిర్వహించింది. అందులో టెక్నాలజీ ప్రభావం గురించి వివరించమని ఆహ్వానించినపుడు-ఈ విషయం గురించి మళ్లీ దృష్టిపెట్టాను. గ్రామఫోన్ రికార్డు ద్వారా ధ్వని ముద్రణ మొదలైంది. అదే తర్వాత టేపుగా మారింది. టేపుతో సౌలభ్యం ఉన్నా నాణ్యత మాత్రం గ్రామఫోన్‌దే. తర్వాత వచ్చిన కాంపాక్ట్ డిస్క్ నాణ్యతలో మాత్రం టేపు ను మించిపోయింది.

మరింత చిన్నదిగా మారి, విస్తారమైన సంగీతాన్ని దాచుకోగలిగింది. రేడియో రావడంతో గ్రామఫోన్‌కు రెక్కల గుర్రం లభించినట్టయింది. తర్వాత వచ్చిన క్యాసెట్ రికార్డర్ మరింత విరివిగా సంగీతం లభించేలా సమాజానికి దోహదపడింది. అలాగే సిడి ప్లేయర్ దాన్ని మింగేసి మరింతగా సంగీతానికి దోహదపడింది. తర్వాత ప్రవేశించిన ఎఫ్ఎం రేడియో ఇటు రేడియోలోని సౌలభ్యాన్ని, అటు సిడి ప్లేయర్‌లోని నాణ్యతను అందివ్వగలిగింది. అదే సమయంలో రేడియోతో కలిసిపోయిన టెలిఫోన్- వినేవారికి కావాల్సిన సంగీతాన్ని తక్షణమే అందివ్వ గలిగింది. ప్రజల అభీష్టాన్ని గౌరవించడానికి టెక్నాలజీ దోహదపడింది.

ఇదంతా దృశ్యరూపం నోచుకోని సంగీత పరిస్థితికి వివరణ. ఘంటసాల హయాంలో టీవీలూ, వీడియో క్యాసెట్లు రాలేదు. సినిమా పాట అంటే ఆకాశవాణి, గాయనీగాయకులు, సినిమా పేరు, సినిమా దర్శకుడు అని మాత్రమే పరిచయం. కేవలం చెవి ద్వారా మనసులో గీతం బోధప డి అర్థపరిమళం బుద్ధిని సోకే వెసులుబాటు ఉండేది. రేడియో స్థానాన్ని టీవీ ఆక్రమించిన తర్వాత గాయనీగాయకుల స్థానాన్ని నటీనటులూ, సంగీత దర్శకుల స్థానాన్ని కెమెరామెన్ ఆక్రమించారని వ్యాఖ్యానించినా తప్పు లేదు.

రేడియో స్వర్ణయుగం తెలియని వారికి నేడు టీవీలో కనిపించే నృత్యభంగిమలే, వర్ణశోభితమైన దృశ్యాలే గుర్తుంటాయి. దృశ్యానికుండే శక్తి అంతటిది. అప్పటి పరిస్థితే ఘంటసాలకు గొప్పగా లాభించింది. ఆయన వేలాది పాటలు పాడకపోయినా విశేషమైన గుర్తింపు లభించింది. అదే సమయంలో గొప్పగా వృద్ధి చెందిన టెక్నాలజీ నేటి గాయనీ గాయకులకు ప్రతిబంధకంగా కూడా మారిపోయిందని ఈ సందర్భంలో చెప్పుకోవచ్చు. పాశ్చాత్య సంగీతానికి టెక్నాలజీ తోడ్పాటు మరింత పెద్దది. టెక్నాల జీ లేకుండా పాశ్చత్య సంగీతాన్ని అసలు ఊహించలేము కూడా! రచన, గానం, నృత్యం, నృత్యదర్శకత్వం, సంగీత దర్శకత్వం అనేవి ఒకే వ్యక్తిలో కలిసిపోవడంతో పాటు మినుకుమనే, తళుకులూ, అలాగే సంగీతశాలలోని ఆధునికమైన సంగీతపు ఏర్పాట్లు విశేషంగా ఉంటాయి. అంతేకాదు గానం అనేది పరిసరాల మీదా, వాతావరణం మీద ఆధారపడుతుందని భావిస్తాడు. అందుకే ఉదయరాగాలు, సంధ్యారాగాలు అని వివరిస్తారు కూడా. ఇటువంటి పరిస్థితులను కృత్రిమంగా కల్పించే రీతిలో సంగీత ప్రదర్శనశాలలు రూపొందాయి.

కంప్యూటర్ రావడం, ఇంటర్‌నెట్ తోడవడం అనేది అగ్నికి ఆజ్యం పోయడం లాంటిదని చెప్పుకోవచ్చు. ఒక మహానది ద్వారా అనంత సాగరాన్ని చేరడం అనే భావన కూడా కలుగుతుంది. కంప్యూటర్ రాకతో సిడి, వీడియో, రేడియో, టీవీ, ఫోన్ అన్నీ కలగలిసిపోయాయి. మన దేశంలో ఇంకా కంప్యూటర్ చాలా మందికి అస్పృశ్యంగానే ఉంది. అక్షరాస్యత, ఆర్థిక పరిస్థితి ఇంకా అవరోధాలు గానే నిలిచి కంప్యూటర్‌ను దూరంగా ఉంచాయి. కంప్యూటర్, నెట్ ఎక్కువ మందికి చేరిననాడు మరిన్ని అద్భుతాలు జరుగుతాయి. దానికి వాణిజ్యం తోడ్పడుతుంది.

మినీ ప్రపంచంగా మొబైల్ పుట్టుకురావడం మరో ప్రభంజనం. చాలా ఫలితాలను అరచేతిలో అలవోకగా సాధించగలగడం ఇందులోని మర్మం. సంగీతానికి సంబంధించి టెక్నాలజీ సౌలభ్యాన్ని, సౌకర్యాన్ని, ప్రచారాన్ని, ప్రభావాన్ని విశేష రీతిలో సాధించగలిగింది. తాజా సాక్ష్యంగా చెప్పాలంటే టీవీ చానళ్ల ద్వారా వెలుగుచూసి, ప్రచారాన్ని పొందిన వర్ధమాన గాయనీ గాయకుల జాబితా గురించి పేర్కొనాలి. మరింత తాజా ఉదాహరణ ఏమిటి అంటే టీవీలో మారుమ్రోగుతున్న తెలుగు జానపద గీతాన్ని మీకు గుర్తు చేయాలి మరి!

-నాగసూరి వేణుగోపాల్

ప్రభావం ఎంతని చెప్పడం?-14th jan,2011

2011-01-19T05:20:00.000-08:00

ఇరవయో శతాబ్దంలో శాస్త్ర సాంకేతిక ప్రగతి అనూహ్యంగా ఉందని భావిస్తారు. గతం నుంచి వర్తమానంలోకి వస్తున్నప్పుడు ఈఅనూహ్యా లు వరసగా తారసపడతాయి. రేడియో, టెలివిజన్, సినిమా, టెలిఫోన్, ఉపగ్రహ కమ్యూనికేషన్లు, కంప్యూటర్, ఇన్ఫర్మేషన్ టెక్నాలజీ, ఇంటర్నెట్, జెనెటిక్స్, బయోటెక్నాలజీ, నానో టెక్నాలజీ.. వంటి చాలా విభాగాలు ఇంతగా అభివృద్ధి చెందుతాయని, ఇంతగా ప్రభావాన్ని కలుగజేస్తాయని ఎవరూ ఊహించలేదు.

ఎలక్ట్రాన్‌ను ఆవిష్కరించిన జె.జె.థాంసన్ తన పరిశోధనకు ఫలితాలు పెద్దగా ఉండక పోవచ్చని భావించారు. కానీ పాదార్థిక పరిశోధనకు, ఎలెక్ట్రానిక్స్‌కూ తెరలేపింది ఈ ఎలెక్ట్రాన్ ఆవిష్కరణే! అలాగే గత దశాబ్దపు సాంకేతిక విజ్ఞాన ప్రభావాన్ని ఒక సారి అవలోకిస్తే-మరెంతో ఆశ్చర్యం కలుగుతుంది. అక్షరం చెరిగిపోలేదు గానీ అదృశ్య రూపంగా, అరూపంగా మారింది. ఉత్తరాలు, వ్రాత ప్రతులు తగ్గిపోయి మౌఖిక రూపంలో సాఫ్ట్ అవతారం ధరించింది. వివరంగా చెప్పాలంటే ఈ పదేళ్ళలో ఉత్తరాలు బాగా తగ్గిపోయాయి.

డిసెంబర్ నెల చివరి వారం అంటే తమకు ఉత్తరాల భారం పెరుగుతుందని పోస్టల్ శాఖ వారూ, ఆలస్యంగా వస్తాయని ప్రజలు ఆందోళన పడేవారు. ఆ స్థాయిలో గ్రీటింగ్ కార్డుల హడావుడి ఉండేది. ఇపుడంత లేదు. కానీ ఈ భారం నేడు సెల్ ఫోన్, ఇంటర్నెట్‌ల మీద పడింది. కంప్యూటర్, ఇంటర్నెట్‌కు సంబంధించి చాలా గొప్ప ఫలితం, ఎక్కువ ప్రయోజనకరమైన విశేషం- ఈ మెయిల్. ఎటువంటి జాప్యం లేకుండా సమాచారం పంపడమే కాదు, మన సమాచా రం మన దగ్గరే భద్రంగా ఉంచుకుని-కావాల్సిన వాళ్ళకు క్షణంలో పంపవచ్చు.

మరో రకంగా జిరాక్స్ ఖర్చును తగ్గించింది. ఇక షార్ట్ మెసేజ్ సర్వీ స్ (ఎస్ఎమ్ఎస్)తో సమాచారం కచ్చితంగా, త్వరగా అరచేతిలో వాలడం మన దేశానికి ఈ దశాబ్దపు వింతే! అదే సమయంలో ఇంగ్లీషు భయంకరంగా రూపు కోల్పోతున్నదని భాషా వేత్తలు ఆందోళన పడుతున్నారు. తెలుగు ఇంకా కంప్యూటర్ భాషగా విస్తరించలేదు కనుక, మనకా సమస్య లేదు. తెలుగు భాషకు ఇంత స్థాయిలో సాంకేతిక పుష్టి లభించినప్పుడు మనం ఇంకెంత స్థాయిలో తెలుగును దోష భూయిష్టం చేస్తామో తేలీదు! సరళీకరణ, ఉదారీకరణ ఫలితాలు వెల్లువయ్యింది - ఈ దశాబ్దంలోనే.

విమాన ప్రయాణం ఇదివరకు కాల్పనిక రచనలలో కూడా తక్కువగా ఉం డేది. కానీ నేడు అది చాలా సామాన్యమైపోయింది. అంతేకాదు, విదేశాలకు పోక, తర్వాత బంధువులు పోయి రావడాలు, అక్కడి పరికరాలు వగైరా గమనించడాలు, ఇక్క డ కూడా అలాంటివి రావాల ని కోరుకోవడాలు బాగా పెరిగింది. స్వంత వాహనాలు విషయానికి వస్తే 20వ శతా బ్దం చివరి దశాబ్దంలో స్కూటర్ పాతబడి పోయింది. ఈ దశాబ్దంలో కారు సహజమైపోయింది. లక్ష రూపాయలకు నానో కారు అనే విషయాన్ని సంచలనాత్మకంగా చర్చించారు. చర్చ ఉన్న స్థాయిలో కారు లేదన్నది వేరే విషయం.

అన్ని ఎలక్ట్రానిక్ గాడ్జెట్లలాగానే కంప్యూటర్ ఖరీదు తగ్గింది. ఈ విషయం చెప్పుకుంటున్నప్పుడు ఎటిఎంల గురించి చెప్పుకోకపోతే బావుండదు. ఎప్పుడు బడితే అప్పుడు, ఎక్కడ బడితే అక్కడ -బ్యాంకులో డబ్బులుంటే చాలు రాల్చుకోవచ్చు శ్రమ లేకుండా. ఇటువంటి దానికీ పాస్‌బుక్కు, చెక్కు, బ్యాంక్ టైమింగ్స్, వెయిటింగ్ విసుగు వంటి వాటితో కలసిన రోజులను పోల్చుకోండి -అప్పుడు తెలుస్తుంది టెక్నాలజీ సౌఖ్యం! సరిగ్గా ఇటువంటిదే టీవీ వినోదం. ఎటువంటి శ్రమ లేకుండా, ఖర్చు లేకుండా, కాలయాపన లేకుండా 'కావాల్సింది కావాల్సినంత' అనే స్థాయి లో టీవీ వినోదం విచ్చల విడిగా లభిస్తోంది.

దీన్నయితే అసలు ఊహించలేదు. దేశంలో ఐదువందలకు పై చిలుకు - ఒక లెక్కింపు ప్రకారం 503 - రకరకాల చానళ్ళతో ముందు ముందు 'టీవీ వైరాగ్యం' కూడా విరివిగా పల్లవించే పరిస్థితి రావచ్చు. టెక్నాలజీ వినియోగం బాగా పెరిగి, వీటి రూపకల్పనకు మూల భూతమైన విజ్ఞాన భావనలు, శాస్త్రీయ అభినివేశం పూర్తిగా అంతరించి పోయిందేమో అనే భయం కలుగుతుంది. శాస్త్రీయ దృష్టి సరే, ఇంగితం కూడా అంతర్ధానం అవుతోందనే భయం కలుగుతోంది.

ఇది ఒక వైపుకాగా, మరో వైపు ఆత్మ విశ్వాసం క్లాసులతోపాటు దేవాలయాలు, పూజలు, మొక్కులు వగైరాలు కూడా మరింత ప్రాచుర్యంలోకి వచ్చాయి. అంతకుమించి విగ్రహాలు, బొమ్మలు, ఆచారాలు మరింతగా జనంలోకి చొచ్చుకువచ్చాయి. టెక్నాలజీ వాడకం పెరిగితే, దాని ద్వారా తారసపడే మోసాలు కూడా పెద్ద స్థాయిలో ఉంటున్నాయి. పురుషులందు పుణ్య పురుషులు వేరయా - అన్నట్టు నేరాలలో సైబర్ నేరాలు గొప్పవయా -అని చెప్పుకోవాలి. వీటిలో ప్రక్రియ ఎంత సరళంగా, లాఘవంగా ఉంటుందో జరిగే మోసం అంత భారీ స్థాయిలో ఉంటోంది.

అంతకుమించి సృజనాత్మకంగా ఉంటుంది. నిజానికి దీని గురించి ఎక్కువ చర్చిస్తే టెక్నాలజీ అంటే భయం పెరుగుతుందని భావించే వారు కూడా ఉన్నారు. నిజానికి సైబర్ నేరాలకు అవసరమైన చట్టాలు మరింత పకడ్బందీగా ఏర్పడుతున్న కాలమిది. వీటన్నిటితో పాటు, ఇంటర్నెట్, ఇన్ఫర్మేషన్ టెక్నాలజీ పట్ల విపరీతమైన మోజు పెరిగి మౌలిక విజ్ఞాన అంశాల పట్ల గౌరవం, అభిమానం తగ్గడం ఆందోళన కల్గిస్తోంది. బి.టెక్ వైపు ఉన్న హడావుడిలో బియస్సి వైపు దాదా పు లేదని డిగ్రీ కోర్సుల వివరాలు చెబుతున్నాయి

. ఇలా జరగడం ముందు ముందు మౌలిక పరిశోధనలనే దెబ్బతీస్తుంది. అందుకే పిల్లలకు సైన్స్ పట్ల ఆసక్తి కల్గించాలనే కొంత ప్రయత్నం ఈ దశాబ్దంలో పెరిగింది. జాతీయ స్థాయిలో పేరొందిన ప్రయోగశాలలను చూసే అవకాశం ఇప్పుడు కల్గిస్తున్నారు. ఫలితంగా సైన్స్ పట్ల మరింత మక్కువ పెరగగలదని నమ్మకం. ఇక చివరగా తెలుగు పత్రికలలో పాపులర్ సైన్స్, సైన్స్ అంశాల శీర్షికలు, సమాచారం బాగా తగ్గిపోయింది ఈ దశాబ్దంలోనే.

సైన్స్ పుస్తకాల అమ్మకాలు గణనీయంగా తగ్గకపోయినా -పత్రికలలో సైన్స్ సమాచారం బాగా తగ్గిపోయింది. కేవలం వాణిజ్యపు లంకె ఉండే టెక్నాలజీ అంశాలు, కన్స్యూమర్ గూడ్స్ వంటి వాటికి సంబంధించి సమాచారం ఇస్తున్నారు. అలాగే వైజ్ఞానిక కల్పనా సాహిత్యానికి సంబంధించి తెలుగులో ఈ దశాబ్దంలో వచ్చిన చెప్పుకోదగ్గ రచనలు పెద్దగా లేవు.
-డాక్టర్ నాగసూరి వేణుగోపాల్

2011-01-19T04:01:00.000-08:00

Medianaadi

2011-01-17T01:21:00.000-08:00

2011-01-17T01:18:00.000-08:00

2011-01-17T01:09:00.000-08:00

2011-01-17T01:06:00.001-08:00

Phd (Journalism) from AU courtesy:Vaartha 20.12.2010

2010-12-19T19:56:00.000-08:00

Recent chages in Telugu print media

2010-12-19T07:31:00.000-08:00

సైన్స్ ఉద్యమానికి సవాళ్లు

2010-12-19T07:24:00.000-08:00

సైన్స్ అంటే సత్యపథం, ఆశావాదం, కపటం లేని విధానం! ఈ విషయాలు పేర్కొనడానికి కారణాలున్నాయి. సైన్స్ ఆధారంగా ఏర్పడిన సంస్థలు ఉద్యమాన్ని నిర్వహిస్తున్నాయి. సైన్స్ ద్వారా ఆరోగ్యం, ఆహారం, ఆయుష్షు సాధ్యం కావాలని శ్రమిస్తున్నాయి. అర్ధరహితమైన నమ్మకాలు, దోపిడీ సాగకూడదని భావిస్తాయి. ఎన్నో సంవత్సరాలుగా పాతుకునిపోయిన మూఢనమ్మకాలు ఇంకా విస్తరిస్తున్నాయి. కానీ తగ్గుముఖం పట్టడం లేదు. దీనికి టెక్నాలజీ సైతం దోహదపడవచ్చు. అసంగతమైన నమ్మకాలకు పురిగొల్పే టీవీ సీరియళ్లు, కార్యక్రమాలు విరివిగా ప్రసారం కావడంలో టెలివిజన్ అనే టెక్నాలజీ పాత్ర చాలా ఉంది. దీనికి మించి కొత్త రకం సమస్యలు తలెత్తుతున్నాయి. వీటి స్వరూపం గుర్తించే క్రమంలో బోల్తాపడకూడదు.

ఇటీవల హైదరాబాద్ నగరంలో ఒక సదస్సు జరిగింది. దీని సారాం శం ఏమిటంటే మొబైల్ ఫోన్ల వాడకంతో సమస్యలు లేవనీ, అది కేవలం అర్ధరహిత ప్రచారమని. ఆ మేరకు మరుసటి రోజు పత్రికలలో వార్తలు వచ్చాయి. ఈ సదస్సును మొబైల్ కంపెనీలు ఖర్చుతో నిర్వహించారు. అందువల్ల ఏ గూటి చిలుక ఆ గూటి పలుకే వల్లిస్తుంది. ఈ వార్త ప్రచురింపబడిన రోజునే ఆరోగ్య కార్యక్రమంలో మొబైల్‌ఫోన్‌తో అనర్థాలు చాలా ఉన్నాయని టీవీ చానల్ ప్రసారం చేసింది. నిజానికి ఈ పరిస్థితిని కూల్‌డ్రింకులలో రసాయనాల అంశంతో పోల్చవచ్చు. శీతల పానీయాలలో రసాయనాలున్నాయని సహేతుకంగా రుజువైనా, ప్రచారం పుణ్యమా అని చాలామంది దాన్ని పూర్తిగా నమ్మడం లేదు. ఈ స్థాయిలో శీతలపానీయాల సంస్థలు ప్రచారాన్ని సాగిస్తున్నాయి.

శీతలపానీయాల లోగుట్టును వెలికి తీయడానికి స్వచ్ఛంద సంస్థలూ, సైన్స్ సంస్థలూ చాలా పాటుపడ్డాయి. కొంత విజయం సాధించాయి కూడా! తర్వాత సైన్స్ సంస్థలు ఈ విషయం పట్ల కాస్త వెనుకంజవేయ డం, దాంతో శీతల పానీయాల సంస్థలు ప్రచారాన్ని ఉధృతం చేయడం జరిగింది. అయితే మొబైల్‌ఫోన్ల వాడకం గురించి పెద్దఎత్తున అవగాహ నా కార్యక్రమాలు ప్రారంభం కావాల్సి ఉంది. అంటే టెక్నాలజీ ముసుగున మన ఆరోగ్యం, ఉనికి మొదలైన వాటిని దెబ్బతీసే వాటిని గమనించడం సైన్స్ ఉద్యమశీలుర తక్షణ కర్తవ్యం. మొబైల్ బెడద కేవలం ఒకటి మాత్రమే కావచ్చు.

మరింత పరిశీలన చేస్తే మరిన్ని సమస్యలున్నాయని బోధపడవచ్చు. ఇటీవల కాలంలో గ్రహణం, శాంభవి, మరేదో మూఢనమ్మకం.. ఇలా ఏది సంభవించినా టీవీ చానళ్లలో అరగంటకు తక్కువ కాకుండా చర్చలు ప్రసారం అవుతున్నాయి. ఇందు లో ఉదయం పూట జ్యోతిష్యం చెప్పే పండితులు ఒక వాదనకు నేతృత్వం వహిస్తుండగా; సైన్స్ సంస్థల వ్యక్తులు వారితో విభేదిం చే చర్చలో పాల్గొంటారు. అనుసంధానంగా ఉండే సమన్వయకర్త మాటలకు ఆజ్యం పోస్తూ, మంటలు ఎగిసే చర్చ జరపాలని ప్రయత్నిస్తారు.

ఎటువంటి వెలు గు లేకుండా కేవలం వేడి జిమ్ము తూ చర్చ ముగుస్తుంది. ఇరు వర్గాల తీవ్ర స్వరాలు గుర్తుంటా యి. కానీ చర్చ చివరకు ఏమి చెప్పిందో గుర్తుకురాదు. శృతిమించిన వాదనలు పెరిగి కొందరిని టీవీ కట్టేసేట్టు చేయవచ్చు. ఈ సందర్భంగా ఒక కీలకమైన విషయం గల్లంతు కావడాన్ని ఎక్కువమంది గుర్తించలేకపోతున్నారు. ఇటువంటి చర్చల వల్ల సైన్స్ సంస్థలకు కొంత ప్రచారం లభించవచ్చు. ఎక్కువ ఖర్చు, శ్రమ లేకుండా సాధ్యపడిన విషయం కూడా కావచ్చు. కానీ వీక్షకుల దృష్టిలో ఇలా విభేదించే వారిగా, గొడవపడే వారిగా సైన్స్ సంస్థల వ్యక్తులు గుర్తుండిపోవచ్చు.

కానీ సైన్స్ అంటే వీలయినంత ఎక్కువమంది దోహదపడే గొప్ప సాధనమని చెప్పలేకపోతున్నారని గమనించాలి. నిజానికి జ్యోతిష్యం, వాస్తు.. వంటివి ఉపాధి కల్పించే మార్గాలు. కానీ సైన్స్ ప్రచారం వంటివి హాబీగా సాగే పనులు. అందువల్ల మొదటి వర్గంవారు మరింత సంఘటితంగా, వ్యూహాత్మకంగా, లాఘవంగా సాగుతా రు. వారే ప్రచార మాధ్యమాలకు ప్రకటనలు కూడా ఇస్తారని గమనించా లి. కనుక ప్రసార మాధ్యమాలు కూడా ఎంతో కొంత జాగ్రత్తగా సాగుతా యి. దీనితో సైన్స్ అసలు ప్రయోజనం కనబడకుండాపోతోంది. కానీ కొంత ప్రచారం మాత్రం మిగులుతుంది. సైన్స్‌లేని ప్రచారంతో ప్రయోజనం ఏమిటో ఆలోచించాలి.

మరోవైపు విలువైన రాళ్లు, శని యంత్రాలు, హనుమాన్ కవచాలు విశృంఖలంగా ప్రచారం పొందుతున్నాయి. ఇంకోవైపు అర్ధరహితమైన కథనాలు సైన్స్ కథనాలుగా రక్తికడుతున్నాయి. అంతకు మించి సైకాలజి, సైన్స్, ఆరోగ్యం అటూ అర్ధరాత్రికి ముందు విచిత్రమైన కార్యక్రమాలు ప్రసారమవుతుంటాయి. ఈ తరహా అంశాల వల్ల ఏమి ప్రయోజనం ఉందో ఆలోచించాలి.

వీటిని విసర్జించాలని పోరాడేవారు ఎవరు? సైన్స్ సంస్థలకు ప్రచారం కల్పిస్తున్నారని ఇటువంటి పోకడలను ఉపేక్షించడం తగునా? అందుకే సైన్స్ ఉద్యమ సంస్థలను ఆలోచించమని కోరడం! ఎన్ని ప్రసార మాధ్యమాలు వచ్చినా, రాయడం అనేది చాలా మౌలికమైన అంశం. అది లేకుండా ఇతర మాధ్యమ రూపాలను మనం ఊహించ లేం. కానీ సైన్స్ రచయితలు ఎందరున్నారని ఎవరైనా అడిగితే చేతి వేళ్ల సంఖ్యను మించిన సంఖ్య రాకపోవడం నేటి విషాదం.

నలభై సంవత్సరాలలోపు సైన్స్ రచయితలు ఎవరైనా ఉన్నారా- అని ఎంతో మందికి సందే హం రావచ్చు. దీన్ని మరింత ముదరనిస్తే ముందు ముందు మరింత ప్రమాదం ముంచుకు రావచ్చు. కనుక సైన్స్ ఉద్యమ సంస్థలు నేడు పూర్తిగా దృష్టిపెట్టి, తమ కార్యాచరణ ప్రణాళికను రూపొందించుకోవాలి. లేకపోతే వాణిజ్య ఎత్తుగడలతో పోరాడుతూ, క్రమంగా ఆ వాణిజ్యానికే పావుగా మారిపోయే పరిస్థితి ఎదురుకావచ్చు!
-డా. నాగసూరి వేణుగోపాల్

The Hindu literary suppliment,award

2010-12-19T07:17:00.000-08:00

Dr.Kotnis a profile

2010-12-19T07:13:00.000-08:00

Niira Radia tapes-role of media

2010-12-19T06:57:00.000-08:00

సంగీతానికి టెక్నాలజీ దోహదం

2010-12-19T06:42:00.000-08:00

సెన్స్, టెక్నాలజీ కారణంగా కలిగే ప్రయోజనాల గురించీ, అలాగే మరోవిధంగా వాడితే కలిగే వినాశనం గురించీ చెప్పడానికి- కత్తితో పోల్చడం చాలా కాలంగా ఉంది. కత్తిని రెండు రకాలుగా వినియోగిస్తాం అని చెప్పడం ఉద్దేశ్యం. కానీ, ప్రయోజనాల గురించి చాలా సందర్భాలలో చెప్పకోవాల్సినంతగా మనం ఘనంగా చెప్పుకోవడం లేదేమో! ఒక సంగీతం విషయం తీసుకుంటే టెక్నాలజీ చేసిన దోహదం ఎంతో విస్మయాన్ని కలిగిస్తుంది.

తొలి దశలో సైన్స్ అనేది సంగీతం తీరుతెన్నులు తెలుసుకోవడానికి తోడ్పడితే, తర్వాతి దశలో టెక్నాలజీ సంగీతానికి శాశ్వతత్వాన్ని, విశేషమైన ప్రాచుర్యాన్ని కలిగించింది. టెక్నాలజీ సౌలభ్యాలు లేకపోతే గాయనీ గాయకులు ఇంత హాయిగా ప్రావీణ్యం చూసి ఉండేవారు కాదు. ప్రకృతిని అర్థం చేసుకోవడంతో సైన్స్ మొదలై, అనుకరించడంలో వర్ధిల్లుతోంది. మనిషి గళం నుంచి వాయిద్యాల సంగీత ధ్వనులు అర్థం చేసుకోవడానికి శబ్దానికి చెందిన విజ్ఞాన శాస్త్రం గొప్పగా సహకరించింది. అలా సహకరిస్తూ తాను ఎంతో వృద్ధి చెందింది కూడా! హైస్కూలు, ఇంటర్మీడియట్ స్థాయిలో సంగీత వాయిద్యాలు ఎలా పనిచేస్తాయో అని వివరించే అంశాలు పరిశీలిస్తే చాలా ఆసక్తికరంగా ఉంటుంది.

ఘంటసాల సాంస్కృతిక చైతన్య వేదిక ఇటీవల విజయవాడలో ఒకరోజు పాటు కార్యక్రమం నిర్వహించింది. అందులో టెక్నాలజీ ప్రభావం గురించి వివరించమని ఆహ్వానించినపుడు-ఈ విషయం గురించి మళ్లీ దృష్టిపెట్టాను. గ్రామఫోన్ రికార్డు ద్వారా ధ్వని ముద్రణ మొదలైంది. అదే తర్వాత టేపుగా మారింది. టేపుతో సౌలభ్యం ఉన్నా నాణ్యత మాత్రం గ్రామఫోన్‌దే. తర్వాత వచ్చిన కాంపాక్ట్ డిస్క్ నాణ్యతలో మాత్రం టేపు ను మించిపోయింది.

మరింత చిన్నదిగా మారి, విస్తారమైన సంగీతాన్ని దాచుకోగలిగింది. రేడియో రావడంతో గ్రామఫోన్‌కు రెక్కల గుర్రం లభించినట్టయింది. తర్వాత వచ్చిన క్యాసెట్ రికార్డర్ మరింత విరివిగా సంగీతం లభించేలా సమాజానికి దోహదపడింది. అలాగే సిడి ప్లేయర్ దాన్ని మింగేసి మరింతగా సంగీతానికి దోహదపడింది. తర్వాత ప్రవేశించిన ఎఫ్ఎం రేడియో ఇటు రేడియోలోని సౌలభ్యాన్ని, అటు సిడి ప్లేయర్‌లోని నాణ్యతను అందివ్వగలిగింది. అదే సమయంలో రేడియోతో కలిసిపోయిన టెలిఫోన్- వినేవారికి కావాల్సిన సంగీతాన్ని తక్షణమే అందివ్వ గలిగింది. ప్రజల అభీష్టాన్ని గౌరవించడానికి టెక్నాలజీ దోహదపడింది.

ఇదంతా దృశ్యరూపం నోచుకోని సంగీత పరిస్థితికి వివరణ. ఘంటసాల హయాంలో టీవీలూ, వీడియో క్యాసెట్లు రాలేదు. సినిమా పాట అంటే ఆకాశవాణి, గాయనీగాయకులు, సినిమా పేరు, సినిమా దర్శకుడు అని మాత్రమే పరిచయం. కేవలం చెవి ద్వారా మనసులో గీతం బోధప డి అర్థపరిమళం బుద్ధిని సోకే వెసులుబాటు ఉండేది. రేడియో స్థానాన్ని టీవీ ఆక్రమించిన తర్వాత గాయనీగాయకుల స్థానాన్ని నటీనటులూ, సంగీత దర్శకుల స్థానాన్ని కెమెరామెన్ ఆక్రమించారని వ్యాఖ్యానించినా తప్పు లేదు.

రేడియో స్వర్ణయుగం తెలియని వారికి నేడు టీవీలో కనిపించే నృత్యభంగిమలే, వర్ణశోభితమైన దృశ్యాలే గుర్తుంటాయి. దృశ్యానికుండే శక్తి అంతటిది. అప్పటి పరిస్థితే ఘంటసాలకు గొప్పగా లాభించింది. ఆయన వేలాది పాటలు పాడకపోయినా విశేషమైన గుర్తింపు లభించింది. అదే సమయంలో గొప్పగా వృద్ధి చెందిన టెక్నాలజీ నేటి గాయనీ గాయకులకు ప్రతిబంధకంగా కూడా మారిపోయిందని ఈ సందర్భంలో చెప్పుకోవచ్చు. పాశ్చాత్య సంగీతానికి టెక్నాలజీ తోడ్పాటు మరింత పెద్దది. టెక్నాల జీ లేకుండా పాశ్చత్య సంగీతాన్ని అసలు ఊహించలేము కూడా! రచన, గానం, నృత్యం, నృత్యదర్శకత్వం, సంగీత దర్శకత్వం అనేవి ఒకే వ్యక్తిలో కలిసిపోవడంతో పాటు మినుకుమనే, తళుకులూ, అలాగే సంగీతశాలలోని ఆధునికమైన సంగీతపు ఏర్పాట్లు విశేషంగా ఉంటాయి. అంతేకాదు గానం అనేది పరిసరాల మీదా, వాతావరణం మీద ఆధారపడుతుందని భావిస్తాడు. అందుకే ఉదయరాగాలు, సంధ్యారాగాలు అని వివరిస్తారు కూడా. ఇటువంటి పరిస్థితులను కృత్రిమంగా కల్పించే రీతిలో సంగీత ప్రదర్శనశాలలు రూపొందాయి.

కంప్యూటర్ రావడం, ఇంటర్‌నెట్ తోడవడం అనేది అగ్నికి ఆజ్యం పోయడం లాంటిదని చెప్పుకోవచ్చు. ఒక మహానది ద్వారా అనంత సాగరాన్ని చేరడం అనే భావన కూడా కలుగుతుంది. కంప్యూటర్ రాకతో సిడి, వీడియో, రేడియో, టీవీ, ఫోన్ అన్నీ కలగలిసిపోయాయి. మన దేశంలో ఇంకా కంప్యూటర్ చాలా మందికి అస్పృశ్యంగానే ఉంది. అక్షరాస్యత, ఆర్థిక పరిస్థితి ఇంకా అవరోధాలు గానే నిలిచి కంప్యూటర్‌ను దూరంగా ఉంచాయి. కంప్యూటర్, నెట్ ఎక్కువ మందికి చేరిననాడు మరిన్ని అద్భుతాలు జరుగుతాయి. దానికి వాణిజ్యం తోడ్పడుతుంది.

మినీ ప్రపంచంగా మొబైల్ పుట్టుకురావడం మరో ప్రభంజనం. చాలా ఫలితాలను అరచేతిలో అలవోకగా సాధించగలగడం ఇందులోని మర్మం. సంగీతానికి సంబంధించి టెక్నాలజీ సౌలభ్యాన్ని, సౌకర్యాన్ని, ప్రచారాన్ని, ప్రభావాన్ని విశేష రీతిలో సాధించగలిగింది. తాజా సాక్ష్యంగా చెప్పాలంటే టీవీ చానళ్ల ద్వారా వెలుగుచూసి, ప్రచారాన్ని పొందిన వర్ధమాన గాయనీ గాయకుల జాబితా గురించి పేర్కొనాలి. మరింత తాజా ఉదాహరణ ఏమిటి అంటే టీవీలో మారుమ్రోగుతున్న తెలుగు జానపద గీతాన్ని మీకు గుర్తు చేయాలి మరి! -నాగసూరి వేణుగోపాల్

Usage of Telugu

2010-12-19T06:36:00.000-08:00

Jagrithy-Telugu weekly

2010-12-19T06:29:00.000-08:00

Endaro SCIENCE mahanubhavulu

2010-11-13T06:44:00.000-08:00

Telugu language in mass media

2010-11-13T06:32:00.000-08:00

Telugu language in mass media

2010-10-31T07:20:00.000-07:00

Endaro SCIENCE mahanubhavulu-Dr I V Rao

2010-10-31T07:15:00.000-07:00

2010-10-31T07:09:00.000-07:00

టెక్నాలజీకి జై

2010-10-27T09:11:00.000-07:00

దాదాపు లక్షన్నరమంది 'తారలు' గ్రూప్-4 పరీక్షలకు అభ్యర్థులుగా ఉండడం అసలు వార్త. సుమారు పన్నెండు లక్షలమంది అభ్యర్థుల లో కొందరు అంటే ఐశ్వర్యరాయ్, నయనతార, శ్రీదేవి, మాధురిదీక్షిత్, సానియామీర్జా, సోనియాగాంధీ, రాజశేఖరరెడ్డి, చంద్రబాబు, చిరంజీవి వంటి వారి ఫోటోలు కనిపించాయట! తమాషాగా అప్లయి చేసి-పేర్లు, ఫోటోలు ఇలాంటి ప్రముఖులవి తగిలించారట. ఇలా ఎనిమిదోవంతు దాకా వ్యాపించి ఉన్న దరఖాస్తులను వేరు చేయడం పబ్లిక్ సర్వీస్ కమిషన్ వారికి గగనమైందట. ఆటపట్టించడానికి అప్లయ్ చేసిన వారెవరూ పరీక్ష రుసుము పంపలేదట. కంప్యూటర్ ప్రోగ్రాంలో సమస్య ఉండి,పరీక్ష రుసుం లేకనే అప్లికేషన్ ఆమోదింపబడిందట. మరికొందరు ప్రబుద్ధులు మొక్క లు, చెట్లు, జంతువుల ఫోటోలతో నింపారట. ఈ వ్యవహారం చూస్తే 'పిల్లి కి చెలగాటం' అనే సామెత గుర్తుకురావచ్చు.అలాగే 108 నెంబర్‌కు ఫోన్ చేసే ఆకతాయి కాలర్స్ ఎక్కువైపోయారని సమాచారం. నిజంగా సమస్య లేకపోయినా, ఫోన్ చేసి ఆటపట్టించడం పెరిగిందని తెలుస్తోంది. ఇక్కడ తొలిరకం ఆకతాయిలకూ, రెండవ రకం ఆకతాయిలకు తేడా ఏమీ లేదు. ఆన్‌లైన్‌లో అల్లరి చేసే వారికి కాస్తా సాంకేతిక పరిజ్ఞానం ఎక్కువ. అంతే!ఇది ఒక పార్శ్వం కాగా, దీనికి పూర్తిగా భిన్నమైన దృశ్యం ఇంకోటి ఉంది. నెంబర్ 782474317884 ప్రాధాన్యం ఏమిటి? ఇది మన దేశంలో తొలి ఆధార్ గుర్తింపు సంఖ్య. మహారాష్ట్రకు చెందిన గిరిజన మహిళ రంజ న సోనా వాణెకు చెందిన గుర్తింపు సంఖ్య అది. ఆవిడ వేలుముద్రలు, కనుపాప ముద్రలతో సహా నిక్షిప్తమైన బయోమెట్రిక్ ఐడెంటిటి నెంబర్ అది. దీనినే సులువుగా అర్థం కావడానికి 'ఆధార్' అని వ్యవహరిస్తున్నారు. ఇందులో పన్నెండు అంకెలుంటాయి.వీటితో పాటు బహిర్గతం కానీ మరో నాలుగు అంకెలు కూడా ఉంటాయి. ఇది అధికారిక అవసరాల కోసం రహస్యంగా ఉంచబడతాయి. ఈ గుర్తింపు సంఖ్య ప్రాధాన్యం ఏమిటంటే భారతదేశంలో మరే వ్యక్తికీ ఈ సంఖ్య ఉండదు. ఈ సంఖ్య అంటే ఆ ఫలానా వ్యక్తి అని అర్థం. దీనిద్వారా బ్యాంకు అకౌంట్ తెరవడం, గ్యాస్ కనెక్షన్ సాధించడం, రేషన్‌కార్డు పొందడం, ఇంకా పాన్‌కార్డు, ఫోన్ కనెక్షన్, పాస్‌పోర్టు వంటివి కూడా పొందడానికి వీలవుతుంది. ఈ జాబితాలో మరికొన్ని వచ్చి చేరే అవకాశం ఉంది.అందుకే ఈ కార్యక్రమాన్ని ప్రారంభిస్తూ ప్రధా ని మన్మోహన్ 'ప్రపంచంలో మరెక్కడా ఇంత భారీ స్థాయిలో సాంకెతిక విజ్ఞానాన్ని వినియోగించుకోవడం లేదని' పేర్కొంటూ త్వరలో ప్రతి భారతీయుడు 'ఆధార్' సంఖ్య పొందే వీలుందని విశదం చేశారు. ఇది తక్కువ ఖర్చుతో, జాతీయస్థాయిలో ఉపయోగపడే, తర్వగా పరీక్షించే వీలున్న గుర్తింపు సంఖ్య ఆధార్.ఆధార్ గుర్తింపు సంఖ్య సెప్టెంబర్ 30న శ్రీకారం చుట్టుకుంది. దీనికి ఒకటిన్నర లక్షల కోట్ల రూపాయలు అవుతోందని ఒక అంచనా. సుమారు ఐదేళ్ల వ్యవధిలో దేశంలోని ప్రజలంద రూ ఈ గుర్తింపు సంఖ్యను పొందగలరని మరో గణింపు. దీని ద్వారా ప్రభు త్వ పథకాల సద్వినియోగం కాగలవని ఆశ. ఎన్నికల మోసాలు అరికట్టటడంతోపాటు ఉగ్రవాదం వంటి సమస్యను అంతమొందించడానికి ఈ 'ఆధార్' వ్యవస్థ దోహదపడుతోందని భావిస్తున్నారు. ఈ వివరాలు పరిశీలిస్తే ఇదంతా సాధ్యమా? అని కూడా అనిపించవచ్చు.సెప్టెంబర్ 30 దరిదాపుల్లో తీసుకున్న మరికొన్ని నిర్ణయాలు ఈ 12 అంకెల సంఖ్యను మరింత వినియోగించుకోవచ్చునని తెలుపుతున్నాయి. సెప్టెంబర్ 30వ తేదీన అయోధ్యకు సంబంధించి తీర్పు వెలువడింది. ఆ సందర్భంగా మొబైల్ ఫోన్లలో బల్క్ మెసేజ్‌లను నిషేధించారు. చాలా మంది మొబైల్ ఫోన్ నెంబర్లకు సంబంధించిన ఆధార పత్రాలు పంపమనే ప్రక్రియ మొదలైంది. రిజిస్ట్రేషన్‌లో గందరగోళం ఉంటే సరిదిద్దుతారు. అంతేకాదు త్వరలో ఫోన్‌నెంబర్లు ఇక నుంచి 12 అంకెలు కలిగి ఉంటాయి. జనాభా వందకోట్లు దాటిపోయినప్పడు పది అంకెల మొబైల్‌నెంబర్ సరిపోదు. ఇంకా వివరంగా చెప్పాలంటే 117 కోట్ల జనాభా ఉండగా 65.242 కోట్ల మందికి మొబైల్ ఫోన్లు ఉన్నాయని అంటున్నారు. ఇది గత జూలై మాసపు లెక్కింపు అట. కాకతాళీయంగా సెప్టెంబర్ 28న మరో ప్రకటన వెలువడింది. బ్యాంకు బ్రాంచీలు, ఎటిఎం సేవలు అందని మారుమూల ప్రాంతాలకు సేవలు తప్పక అందాలని రిజర్వ్‌బాంక్ మార్గ నిర్దేశాలను గత మంగళవారం విడుదల చేసింది. ఇందులో భాగంగా బిజినెస్ కరస్పాండెం ట్లు నియమించబడతారు. డబ్బులు జమ చేయడం, వెనక్కి తీసుకోవడం వంటి పనులను ఈ కరస్పాండెంట్లు చేస్తారు. దీనికి మొబైల్ ఫోన్ నెంబర్ల ద్వారా బ్యాంకు కార్యకలాపాలు నిర్వహించడం దోహదపడుతుంది.ఒక వారంలో సంబంధించిన మూడు సంఘటనలకు ఈ పన్నెండు అంకెల సంఖ్య మంచి పరిష్కారం కాగలదని 'టెక్నాలజీ విజనరీస్' భావిస్తున్నారు. యూనిక్ ఐడెంటిటి నెంబర్ ఒకవైపు మొబైల్ ఫోన్ నెంబర్‌గా, మరోవైపు మొబైల్ బ్యాంకింగ్ నెంబర్‌గాకూడా ఉపయోగపడుతుందని వీరి ప్రతిపాదన. వివరాలు పరిశీలిస్తే ఇది సాధ్యమా అని ఆశ్చర్యం కలగవచ్చు.అదే సమయంలో గత మూడు దశబ్దాలలో సంభవించిన కంప్యూట ర్ విప్లవాలు పరికిస్తే ఇవన్నీ సాధ్యం కావచ్చు అనే నమ్మకం కూడా కలుగుతుంది. అరకొర పొరపాట్లు, అజాగ్రత్తలు, కొన్ని మోసాలు కూడా ఎదురుకావచ్చు. వాటికి వ్యవస్థలో స్వాభావికంగా ఉండే నిర్లిప్తత ఆజ్యం పోయవచ్చు. అయినా పట్టు సడలవలసిన పని లేదు. అటువంటి దుశ్చర్యలకు కళ్ళెం వేయాల్సిందే!మన సమాజం వైవిధ్యంగా ఉన్నప్పుడు ప్రయత్నా లు, ప్రయోగాలు విభిన్నంగానే ఉంటాయి. అందుకే ఐశ్వర్యరాయ్ ఆంధ్రప్రదేశ్ గ్రూప్-4 పరీక్ష రాసే అభ్యర్థిగా ఆవిడ ప్రమేయం లేకుండా మారిపోయింది. కొసమెరుపు లాంటి తాజాకలం ఏమిటంటే రైతులకు ఎస్ఎంఎస్‌ల ద్వారా సమాచారం అందిస్తారట. ఈ మంగళవారం ఆదిలాబాద్, కరీంనగర్, వరంగల్, మెదక్ జిల్లాలో ఈ సేవలను ప్రయోగాత్మకంగా ప్రారంభించారు.

విశ్వకవి సైన్స్ వీక్షణం

2010-10-27T09:03:00.000-07:00

రవీంద్రనాథ్ ఠాగూర్ సాహితీవేత్తగా, శాంతినికేతన్ నిర్మాతగా, రవీంద్ర సంగీతం రూపకర్తగా మనకు తెలుసు. అయితే రవీంద్రనాథుని సాహిత్య వర్ణ పటంలో శాస్త్ర విజ్ఞానం కూడా ఒక ప్రధాన అంశమని; సాహిత్యాన్ని, సైన్స్‌ను, తత్వశాస్త్రాన్నీ మేళవించి చక్కని గీతాలు, పద్యా లు రాశారని తెలుసుకోవడం చాలా ఆసక్తికరంగా ఉంటుంది. ఈ విషయాలు తెలుగునాట అంతగా ప్రాచుర్యంలో లేవు. కనుక వాటిని ఒకసారి పరిశీలించడం ఎంతో స్ఫూర్తిదాయకం. అప్పటికి బెంగాల్‌లో ఆచార్య రామేందర్ సుందర్ త్రివేది, అక్షయ్ కుమర్‌దత్తా, ఆచార్య ప్రఫుల్ల చంద్రరాయ్, జగదానందరాయ్, ఆచార్య జగదీశ్‌చంద్రబోస్ వంటి వారు పాపులర్ సైన్స్‌ను బెంగాల్‌లో రాస్తున్నారు. కానీ వీరికంటే సుబోధకంగా, జటిలమైన శాస్త్ర అంశాలను జనరంజకంగా రాసి రవీంద్రనాథ్ ఠాగూర్ పేరు గడించడం విశేషం. ఠాగూర్ సైన్స్ ఆసక్తి ఆయన స్వగృహం (జోరాశంకో)లోనే మొదలైం ది. ఠాగూర్ తండ్రి దేవేంద్రనాథ్‌ఠాగూర్ ప్రోత్సాహంతో సీతానాథ్‌ఘోష్ ఎన్నో పాపులర్ సైన్స్ వ్యాసాలు రాశాడు. ఈ సీతానాథ్‌ఘోష్‌నే ఠాగూర్ తన స్వీయచరిత్రలు 'జీవన స్మృతి', 'బాల్యం'లలో ఎంతగానో ప్రస్తుతి స్తూ, తనకు స్ఫూర్తి అని పేర్కొంటారు. తన సైన్స్ టీచర్ సీతానాథ్‌ఘోష్ రచనల కారణంగానే విదేశాలలో సాంకేతిక విజ్ఞానంతో ముడిపడిన వ్యవసాయాన్ని అధ్యయనం చేశాడు. శాంతినికేతన్‌లో పట్టుపురుగుల పెంప కం, సిల్కుదారం తయారీ సంబంధించి కృషిచేసి ప్రారంభించాడు ఠాగూర్! ఆరువేల అడుగుల రాగితీగ, బ్యాటరీ సాయంతో సీతానాథ్‌ఘోష్ అప్పట్లో 'మేగ్నటిక్ హీలర్' రూపొందించి కలకత్తాలో సంచలనం కలిగించిన వ్యక్తి. దీని సాయంతో కీళ్లనొప్పులు తొలగించిన ఆయన దగ్గరనే ఠాగూర్ తొలిసైన్స్ పాఠాలు నేర్చుకున్నారు. వడికే యంత్రం, గోధుమల ను దంచే యంత్రం, మరనాగలి, ఇంకు తయారు చేశాడు సీతానాథ్‌ఘోష్. స్వదేశీ పరిజ్ఞానంతో కృషి చేయాలనే భావన ఠాగూర్ మనసులో చిన్ననాటనే పడింది. అందుకే పి.సి.రే 'బెంగాల్ కెమికల్స్'తో ముందుకు వస్తే ఠాగూర్ ఎంతగానో ఆనందపడి అభినందించాడు. అంతేకాదు, గ్రామీణ మహిళలకు కుటీర పరిశ్రమలలో నైపుణ్యం పెంచడానికి శిక్షణాశాలను శాంతినికేతన్‌లో ఏర్పరచాడు ఠాగూర్. ఫ్రెంచి శాస్త్రవేత్త, తత్వవేత్త హెన్రీ బెర్గ్‌సన్-సృష్టి ఎలా ఏర్పడిందనే సిద్ధాంతం తెలుసుకున్నాక ఆస క్తి కలిగి చార్లెస్ డార్విన్, లామార్క్ సిద్ధాంత కృషిని అధ్యయనం చేశా డు ఠాగూర్. మానవ జననం తొలు త ఆఫ్రికాలో మొదలైందని తెలుసుకున్న ఠాగూర్ 'ఆఫ్రికా' అనే పద్యం రాశాడు. అబిసీనియా (ఇథియోపియా) మీద ఇటలీ దాడి చేసినప్పుడు ఈ పద్యం రాశాడు. విశ్వాన్ని పరిచయం చేస్తూ 'విశ్వ పరిచయ' అనే గ్రంథంలో ఠాగూర్ ఖగోళశాస్త్రం, భౌతిక శాస్త్ర అంశాలు రాశారు. ఈ గ్రంథాన్ని మహా శాస్త్రవేత్త సత్యేంద్రనాథ్‌బోస్‌కు అంకితమివ్వడం విశేషం. ఈ పుస్తకంలో సూత్రాలు, సమీకరణలు కాకుండా సరళంగా రచన సాగింది. విజ్ఞాన సమాచారం చాలా ఉన్న ఆసక్తి కొరవడదు. ఈ రచనకు మూలకారణం తండ్రితో పాటు బాల్యంలో సాగిన ఆకాశదర్శనమే (స్కైవాచ్) అని ఠాగూ ర్ పేర్కొంటాడు. సౌరకాంతిలోని ఏడు రంగులను నృత్యమాడే నెమలి ఫించంలోని ఏడు రంగులతో పోలుస్తాడు ఠాగూర్. రేడియోథార్మిక గామా, బీటా కిరణాలను ఠాగూర్ 'ఆకాశవాణి' అని పునర్ నామకరణం చేశాడు. తర్వాత ఇదే పేరును రేడియోకు ఆయనే వాడాడు. శరీరం లోప లి ఎముకలను గమనించగల ఎక్స్ కిరణాల శక్తిని గమనించి, వాటి ఆవిష్కర్త రాంట్‌జన్‌ను ఎంతగానో ప్రస్తుతిస్తాడు. పరమాణువు అతి చిన్నదని ఠాగూర్ వివరిస్తాడు. ఠాగూర్ రచనలలో హాస్యం కూడా తొణికిసలాడుతుంది. ఎలక్ట్రాన్‌లలోని రుణాత్మకతను స్త్రీత్వంతో, ప్రోటాన్‌లోని ధనాత్మకతను పురషత్వంతో పోల్చాడు ఠాగూర్. రేడియో ధార్మికత గురించి చర్చించినప్పుడు అటువంటి దానితో (భవిష్యత్తులో) శక్తి తయారవుతుందని వివరిస్తాడు. సర్ జేమ్స్‌జీన్స్ సంక్లిష్ట ఆలోచనలను చాలా సరళంగా వివరిస్తాడు ఠాగూర్. సౌరకుటుంబంలో భూభ్రమణం గురించి విశదపరచడానికి బంగాళాదుంపతో వివరిస్తాడు. జగదీశ్‌చంద్రబోస్, ఠాగూర్ మంచి మిత్రులు. బోస్ కోసం ఠాగూర్ 'కర్ణ' అనే పద్యం రాశాడు. జగదీశ్‌చంద్రబోస్ పరిశోధనలంటే ఠాగూర్‌కు చాలా గురి. ఆయన స్ఫూర్తితో శాంతినికేతన్‌లో ఠాగూర్ చెట్లను పెంచే కార్యక్రమం, విత్తనాలు చల్లే కార్యక్రమా లు ప్రారంభించాడు. విశ్వభారతిలో సైన్స్ ఉపాధ్యాయుడు జగదానంద రే ను జనరంజక విజ్ఞాన వ్యాసాలు రాసేలా ప్రోత్సహించాడు ఠాగూర్. సివి రామన్ పరిశోధన చేసిన 'ఇండియన్ అసోసియేషన్ ఫర్ కల్టివేషన్ ఆఫ్ సైన్స్' సంస్థను స్థాపించింది మహేంద్రలాల్ సర్కార్. సర్కార్‌కు మంచి మిత్రుడు ఠాగూర్. సర్కార్ మహాశయుడు హోమియో ప్రాక్టీసును ప్రారంభించడంలో ఠాగూర్ ప్రోత్సాహం ఉందంటారు. సరోజినీనాయు డు కూతురు పద్మజానాయుడు, శాస్త్రవేత్త మహల్నాజాన్ భార్య జబ్బు పడినప్పుడు ఠాగూర్ హోమియో విధానంలో చికిత్స చేశాడని అశోక్‌బాగ్చీ తన పుస్తకంలో వివరిస్తాడు. ఈ సమాచారం పరిశీలిస్తే రవీంద్రుడికి బాల్యం నుంచి సైన్స్ పట్ల, సైన్స్ ప్రయోజనం పట్ల, సైన్స్ సాహిత్యం పట్ల ఆసక్తి, దృక్పథం మెండు గా ఉన్నాయని గమనించవచ్చు. సైన్స్‌ను, ఫిలాసఫిని, సాహిత్యాన్ని రంగరించి సాగడం; సైన్స్ అనువర్తనాలను తన దగ్గరి నుంచే ప్రారంభించడం చాలా ఆసక్తిని కలిగిస్తాయి. నిజానికి ఈ మేళవింపు కారణంగా సాహిత్యానికి ఔచిత్యాన్ని, సైన్స్‌కు లాలిత్యాన్ని సాధించవచ్చు. ఆరోగ్యకరమైన జీవ న పంథా రూపొందుతుంది. విశ్వకవి విజ్ఞాన విశ్వవీక్షణం విస్తృతి మనకు ఎంతో స్ఫూర్తి కలిగిస్తుంది.- నాగసూరి వేణుగోపాల్

చానళ్ల బుద్ధి కురచ Andhrabhoomi 5-10-10

2010-10-06T09:11:00.000-07:00

పెళ్లెప్పుడు బాబూ-అని ప్రశ్నిస్తూ ఓ తెలుగు టీవీ న్యూస్ ఛానల్ ఓ ప్రత్యేక కార్యక్రమాన్ని ప్రసారం చేసింది. వరుణ్‌గాంధీ పెళ్లి కబురు వచ్చేసరికి రాహుల్‌గాంధీకి పెళ్లి కాలేదని మన తెలుగు చానళ్లకు తెలిసివచ్చింది. అంతే సదరు విషయంపై కార్యక్రమం సిద్ధమై, తెలుగునాట వాలిపోయింది.చానళ్లకు జ్ఞాపకశక్తి అతి కురచ అనడానికి ఇది నిలువెత్తు నిదర్శనం!
సరిగా సంవత్సరం క్రితం మన రాష్ట్రాన్ని వరదలు కుదిపేశాయి. మహబూబ్‌నగర్, కృష్ణా జిల్లాలు తల్లడిల్లిపోయాయి. తెలుగు చానళ్లు ఈ వార్తలతో మహావరదలుగా మారిపోయాయి. టీవీ-9 దీనిమీద ఊరూరా ర్యాలీలుపెట్టి విరాళాలు సేకరించింది కూడా! నిజానికి ఇలా విరాళాలు సేకరించడంపై మరో చానల్ ఒక ప్రత్యేక కార్యక్రమం రూపొందించబోయి చివరకు ఆ అంశం తప్ప మిగతా విషయాలతో కార్యక్రమాన్ని నింపింది. సరే! టీవీ-9 ఇంతవరకు అలా సేకరించిన విరాళం ఎలా వ్యయం చేసిందో టీవీ చానళ్లను తక్కువగా వీక్షించే భవదీయ కాలమిస్టుకు ఇంతవరకు కంటకానీ, చెవినగానీ పడలేదు. ప్రజలు స్వచ్ఛందంగా ఇచ్చిన విరాళం కనుక, వారికి తెలుసుకొనే హక్కు లేదని ఏలే చానళ్ల ‘ఆధునిక నీతి నియమం’ కావచ్చుకాక! కానీ సంవత్సరం తిరగలేదు, ఏ చానల్‌కైనా 2009 అక్టోబర్ వరదలు గుర్తుకు వచ్చాయా? ఏదో పొరపాటున మహాటీవీ వారికి మాత్రం గుర్తు వచ్చినట్టుంది. వారు మాత్రం అరగంట కార్యక్రమం చేసినట్టు మాత్రమే మా కంటబడింది.
* * *
చానళ్లకు పేర్లు మారడం తెలుగులో బాగా పెరిగిందా? తేజ న్యూస్, అల్ఫా తెలుగు, ఆదిత్య, సంస్కృతి, తేజ, నవ్వులు, ఖుషీ వీటిపేర్లు మారిపోయాయి. అక్టోబర్ ఒకటవ తేదీనుంచి ‘తేజ’ జెమిని మూవీస్‌గా మారింది. అలాగే నవ్వులు, ఖుషీ కూడా అదే త్రోవలో నడిచాయి. అంటే సన్ నెట్‌వర్క్ చానళ్లు ఆంధ్రప్రదేశ్‌లో ఏదోరకంగా జెమినీ అనే అక్షరాలను తప్పక కలిగి ఉంటాయి. అలాగే కర్నాటక, కేరళ, తమిళనాడు రాష్ట్రాలలో వరసగా ఉదయ, సూర్య, సన్ అనే పేర్లను కచ్చితంగా కలిగి ఉంటాయి. ఇది యాజమాన్యపరంగా అనుకూలించే విషయం. అంతకుమించి జాతీయస్థాయిలో ప్రకటనలు ఆకర్షించడానికి కొంత వెసులుబాటు అదనంగా ఉంటుంది.
* * *
ఈసారి వినాయకచవితి అవాంఛనీయ సంఘటనలు లేకుండా గడిచిపోయింది. నిమజ్జనంతోపాటు అయోధ్య తీర్పు అనే హడావుడి వార్తలు జనాలను బెదరగొట్టాయి. తర్వాత తీర్పు 28 అనీ ప్రచారం మొదలైంది. చివరికి సెప్టెంబర్ 30గా ఖరారు అయింది. తీర్పు కూడా భయాందోళనలు లేని రీతిలో రావడం దేశం ఊపిరి పీల్చుకుంది.
వినాయక చవితి సమయంలో శ్రీకాకుళం జిల్లా సోంపేటలో ప్రేలుడు సంభవించింది అని చానళ్లు హంగామా చేశాయి. కానీ చానళ్లు భయపెట్టినంత స్థాయిలో సంఘటన లేదు కానీ ఒకవైపు వినాయకచవితి ఉత్సవాలు, మరోవైపు బాబ్రీ మసీదు తీర్పు అని సంశయ పడుతున్న వేళ ఇటువంటి వార్తలకు అటువంటి స్థాయిలో సంచలనం సృష్టించాలనుకోవడం మన తెలుగు చానళ్ల స్థాయికే చెల్లింది.
టెక్నాలజీ బాగా పెరిగితే, బుర్ర మరీ నేలబారిపోతోందా? నిమజ్జనంరోజున ఒకేసారి పలు దృశ్యాలను చూపాలని నాలుగు కాదు, ఏడెనిమిది దృశ్యాలను ప్రత్యక్ష ప్రసారంగా చూపాలని తాపత్రయపడ్డారు. ఈ దృశ్యాలు ఎంత చిన్నగా మారాయంటే ఒక్కోసారి సదరు చానల్ లోగో ఒక దృశ్యాన్ని మింగేసేటంత! అదే సమయంలో లైవ్ అంటూ మాటలు రాని రిపోర్టర్ చేత వ్యాఖ్యానం ఇప్పించాలని ప్రయత్నించడం మరో విషయం. ఈ రిపోర్టర్‌లు అంతా నాయకుల తగవులను బాగా అందివ్వగలరు గానీ ఇటువంటి సంఘటనలను కాదు. టీవీ-9 వ్యాఖ్యాత తొమ్మిది ప్రాధాన్యతను చెబుతూ టీవీ-9ను సంకీర్తన లంకించుకోవడం ఎంతో ఎబ్బెట్టుగా ఉంది. వినాయక చవితి నిమజ్జనం వ్యాఖ్యానం విషయంలో దూరదర్శన్ పైచేయి అని రుజువు చేసుకుంది. మిగతా చానళ్లు ఏమాత్రం శ్రమ, ఖర్చు లేకుండా రేటింగులు రాలాలని ప్రయత్నించాయి. కానీ బాలాపూర్ లడ్డు వేలం వివాద విషయాన్ని ప్రత్యక్ష ప్రసారంగా మలచిన చానళ్లు కూడా రెండు ఉన్నాయి. దానికేశ్రమ అక్కరలేదు. ప్రచారం కావాలనుకున్నవారు, వారే సొంత వాహనం మీద పారితోషికం ఆశించకుండా స్టుడియోలో వాలుతారు. అదీ కిటుకు!
* * *
టీవీ చానళ్లు చూస్తుంటే ఎవరి గోల వారిది అనే సామెత పదే పదే గుర్తుకువస్తుంది. సాక్షి చూస్తే జగనన్న యాత్ర పదేపదే చూపుతారు కదా అని స్టుడియో ఎన్‌వైపు వెళ్లాను. రాత్రి పదిగంటలకు ఒన్‌మినిట్ అని అరగంటలో ముప్పయి వార్తలు ఇచ్చే కార్యక్రమం అది. కానీ ఆ కార్యక్రమం ఎవరికీ చెప్పకుండా రద్దయిపోయింది. అంతేకాదు చంద్రబాబు యాత్రతో చానల్ సాగిపోయింది. అది అరగంటో, గంటో-మనకు తెలియదు. ఎందుకంటే పరీక్షగా చూసే ఓపిక లేదు కనుక. చమక్కు: ఓరు‘ఘల్లు’, విశాఖ తీరాన, కృష్ణాతీరం...ఇవి ఎన్‌టీవీలో ప్రాంతాలవారీ వార్తాకదంబాలకు చేసిన నామకరణాలు. ఇంగ్లీషు శీర్షికల ఎడారిలో తెలుగు ఒయాసిస్సులా ఇవి వినపడుతున్నాయి

KEERTHY award for nagasuri

2010-09-30T08:13:00.000-07:00

పోటీ చానల్‌ను మట్టి కరిపించడం ఎలా? Andhra bhoomi 28th Sep.2010

2010-09-28T08:51:00.000-07:00

సంచలనం కోసం, ప్రాచుర్యం కోసం చానళ్ళు చమత్కారాలు చేయడంలో విశేషమేమీ లేదు. ఇటీవల టీవీ-1 చానల్ దళితులకు బతుకులకు అధికారం అంటూ కాంపెయిన్ ప్రారంభించింది. దీనికి సంబంధించి ఒక లోగోను క్రమం తప్పకుండా తెరమీద చూపుతూ, కొన్ని నినాదాలను స్క్రోలింగులో తరచూ చూపుతోంది. అతేకాక ఈ దిశలో ఒక పాటను తగిన ఫోటోలతో ప్రసారం చేస్తోంది. టీవీ-1 ఏ కారణంతో ఈ ప్రచార ఉద్యమాన్ని చేపట్టినా అది మంచిదేనని చెప్పాలి. చాలా కాలంగా మీడియాకు దూరంగా వర్గాల విషయంలో మీడియాకు అదర పాత్రం కావడం ఆనందదాయకమే!
ఇటీవలి కాలంలో తిరుమల తిరుపతి దేవస్థానం మీద యుద్ధం ప్రకటించిన టివీ-9, టీవీ-1లు ఇలా ఇప్పుడు మరో అంశాన్ని స్వీకరించడం పరిశీలనార్హం. ఎందుకు ఫలానా ప్రచారం స్వీకరిస్తారో తెలిపే విధానం మన మీడియాలో ఉండదు. కానీ టిటిడి విషయం కోల్పోయిన గౌరవం బడుగులకు రాజ్యాధికారము అనే ప్రచారంవల్ల లభిస్తుంది. నిజానికి సుమారు మూడు సంవత్సరాల క్రితం ఒక తెలుగు దిన పత్రిక స్వీకరించిన పత్రికా విధానానికి ఈ పోకడ చాలా దగ్గరగా ఉంది. మిగతా చానళ్ళు - మనకెందుకు ఈ ఆలోచన రాలేదని ఆలోచించే పరిస్థితి ఉంది. కనుక ఈ అంశాన్ని ఇతర చానళ్ళు స్వీకరించినా ఆశ్చర్యం లేదు. టీవీ-9 సంస్థ చేపట్టే ఏ పని అయినా సంచలనంతో కూడి ఉంటూ, తమ సంస్థకు లాభించేలా ప్రయత్నిస్తుంది. కారణం ఏమైనా, ఒక మంచి పని జరుగుతోందని అభినందించాలి.
* * *
హెచ్‌ఎంటివీలో దేవిప్రియ రన్నింగ్ కామెంటరీ ఆగిపోయినట్టుంది. వినాయకచవితి రోజుల్లో ‘సరదా’గా అని ఒక చిరు అంశం చూశాను. అది సరదాగా అని అన్న దానితో ప్రయోజనం తప్పక ఉంటుంది. హుస్సేన్‌సాగర్ అడుగునకు పోయిన వినాయకుడు - మూషికాలు సంభాషించుకోవడం వస్తువు. హుస్సేన్‌సాగర్ కలుష్యానికి ప్లాస్టర్ ఆఫ్ పారిస్ విగ్రహాలు కరిగిపోతాయని చెప్పించాడు. కాలుష్యం స్థాయి ఎక్కువ అనే సెట్టర్ ఇందులో ఉంది. అయితే ప్లాస్టర్ ఆఫ్ పారిస్ వల్ల కలిగే అనార్థాలు గురించి అసలు చెప్పపోవడం సబబు అనిపించదు. కేవలం వ్యంగ్యం, హస్యమే ప్రదానం కావడంతో ఇతర విషయాలు దారి తప్పాయి. కొంత పరిశోధనతో ఇలాంటి అంశాలు ప్రయత్నిస్తే చానల్‌కు గౌరవం, వీక్షకులకు ప్రయోజనం.
వినాయకచవితి సందర్భంగా ప్రసారమైన ఇంకో విషయం గురించి చెప్పాలి. విద్యుద్దీపాల అలంకరణ విషయంలో ఎటువంటి జాగ్రత్తలు తీసుకోవాలో తెలిపే ‘జరభద్రం’ స్టూడియో ఎన్‌లో ప్రసారమైంది. వాస్తవానికి ‘జరభద్రం’ చిరు కార్యక్రమం చానల్‌కు గౌరవం కల్గించే ప్రయత్నం. ఒక పార్టీవైపే ఆలోచించే, వాదించే చానల్‌గా స్టూడియో ఎన్‌కు పేరు పడుతోంది. అయినా, అటువంటి ఛాయలు లేకుండా సాగే ‘జరభద్రం’ ప్రసారంతో ప్రతిష్ట ఇనుమడిస్తుంది. ఎటువంటి డొంకతిరుగుడు లేకుండా, నేరుగా, కొంత పరిశోధనతో సాగే ఈ కార్యక్రమం రక్తికడుతోంది. పర్యావరణం, ఆరోగ్య, వినియోగ అవగాహన, చట్టం, హక్కులు వంటి వాటిపై మరిన్ని చేయాల్సిన అగత్యం చాలా ఉంది.

డబ్బులు ఆడించగల నిర్మాత సినిమా విడుదలయితే - అది బ్రేకింగ్ న్యూస్ కాగలదు. వార్త కార్యక్రమం కాగలదు. సినిమా విడుదలకు ముందురోజు ప్రముఖ చానళ్ళు పోటీ అనుకోకుండా ఆయా తారలతో లైవ్‌షోలతో నింపేస్తాయి. అవసరమైతే సమయాన్ని మార్చి, సిద్ధంగా ఉండగలవు. సరదాగా కాసేపు’ సినిమాకు సంబంధించి ఆ సినిమా దర్శకుడు చాలా చానళ్లలో కనిపించారు. మిగతా చానళ్ళు కార్యక్రమాలు కాదుగానీ- ఎన్టీవీలో స్వాతి మైత్రేయ వంశీని ఇంటర్‌వ్యూ చేసింది. గాయని అయిఉండి, చానళ్ళలో పాటల ప్రోగ్రాం నిర్వహించిన ఈవిడ ఇటీవల రెండక్షరాల పేరుతో న్యూస్ రీడర్‌గా మారిపోయింది. అయితే న్యూస్‌రీడర్ యాంకర్ కావడం మంచిదే! కాస్త లోకజ్ఞానం ఉంటుందని ఆశిద్దాం. రాసిచ్చిన ప్రశ్నలకు వరుసగా చదివితే ప్రయోజనం కాదుకానీ, హాస్యం పండుతుంది. జవాబు ఆధారంగా ప్రశ్న సాగాలి. అలాకాక స్వాతి విధానంలోనే సాగితే పరువు గల్లంతవుతుంది. స్వాతి న్యూస్ రీడర్‌గా చక్కగాఉంది. అయితే ఇంటర్‌వ్యూలు నిర్వహించాలంటే మరింత సాధన, సమయస్ఫూర్తి అవసరం మరి. శ

భావాల సంఘర్షణతోనే ప్రగతి Andhra jyothy daily 24 th Sep 2010

2010-09-25T07:11:00.000-07:00

సైన్స్‌కు, సంఘర్షణకు మధ్య విడదీయరాని బంధం ఉందా? ప్రాకృతి క విషయాలను తరచి చూడకుండా, అంగీకరించి ఉంటే ఇంత స్థాయిలో సైన్స్ ప్రగతి ఉండేదా అనే ప్రశ్న చాలా సబబు. భూమి బల్ల పరుపుగా ఉంది, సూర్యుడు తూర్పున ఉదయించి పడమర అస్తమిస్తాడని పూర్తిగా స్వీకరించి ఉంటే పరిస్థితి వేరుగా ఉండి ఉండేది. శోధనతో అన్వేషించిన మానవ మస్తిష్కం తెలుసుకున్న వాస్తవం వేరుగా ఉంది. భూమి గుండ్రంగా ఉందనీ; సూర్యుడు ఉదయించడం, అస్తమించడం ఉండదని కేవలం భూగ్రహం తన చుట్టు తాను పరిభ్రమిస్తోందని తర్వాత ఆవిష్కరించబడింది.

ఈ విషయాలు ధ్రవపడటానికి పట్టిన సమయం కన్నా, సమాజం అంగీకరించడానికి ఎక్కువ కాలం పట్టింది. తొలుత, ప్రకృతితో సంఘర్షించి సైన్స్ వాస్తవం వెలికివస్తే తర్వాత దశలో దాన్ని అంగీకరించడానికి సమా జం సంఘర్షించింది. ఎందుకంటే విశ్వాసాలతో ముడిపడిన కథలు, గాథ లు, పాటలు జన జీవితంతో విడదీయలేనివిగా ఉంటాయి.

టాలెమి, కోపర్నికస్, గెలీలియో వంటి గొప్పవారు వాస్తవాన్ని వెల్లడించి తమ జీవితాల ను పణంగా పెట్టారు. కొన్ని శతాబ్దాల తర్వాత మనకు ఈ విషయాలు చాలా సాధరణంగా అనిపించవచ్చు. కానీ వారి జీవితాలు ఎంత సంక్షుభితంగా సాగాయో తెలుసుకుంటే ఒళ్లు గగుర్పొడుస్తుంది.

సైద్ధాంతిక స్థాయిలో సైన్స్ అభివృద్ధి చెందినప్పుడు ఈ రకమైన సంఘర్షన ఎదురుకాగా; సైన్స్ తర్వాతి దశలో ప్రాయోగికంగా అంటే టెక్నాలజీ గా రూపు ధరించిన తర్వాత మరోరకమైన సంఘర్షణను ఎదుర్కొంది. సైన్స్ సూత్రాలతో పనిచేసే టెక్నాలజీ మానవ శ్రమను తగ్గిస్తోంది. మాన వ నైపుణ్యాన్ని పెంచుతోంది అని వివిధ వర్గాలు అర్థం చేసుకున్న పిమ్మట మరోరకమైన పెనుగులాట మొదలైంది. ఏ వర్గాలకైతే అవకాశం ఉందో ఆ వర్గాలు తమకు తగిన బాణిలో ప్రయత్నాలు ప్రారంభించాయి.

విధ్వంసకర ఆయుధాలు అనే టెక్నాలజీ తయారైన నేపథ్యం ఏమిటో ఒక్కసారి పరిశీలిస్తే ఆశ్చర్యకరంగా ఉంటుంది. మొదటి ప్రపంచయుద్ధం, రెండవ ప్రపంచ యుద్ధం మధ్య కాలంలో శాస్త్రవేత్తలను బంధించి మారణాయుధాలు రూపొందించమని కట్టడి చేశారు. రాజ్యాధికారాన్ని దీనికోసం వినియోగించి ఒత్తిడి చేశారు.

ఆటంబాంబు అనే సమర ఆయుధం పురిటిగడ్డ సంక్షుభిత రాజకీయమే! అలా తయారైన మారణాయుధం ఏ స్థాయిలో విధ్వంసం సృష్టించగలదో రెండవ ప్రపంచ యుద్ధం సాక్ష్యాధారాలతో రుజువు చేసింది. ఇంకా కచ్చితంగా చెప్పాలంటే ఈ నూతన మారణాయుధాల ప్రయోగంతోనే రెండవ ప్రపంచయుద్ధం శ్రీకారం చుట్టుకుంది.

రెండు ప్రపంచయుద్ధాల తర్వాత ఏర్పడిన ద్విముఖ ప్రపంచంలో కూడా రాజకీయా లు టెక్నాలజీ ప్రగతిని ప్రభావి తం చేశాయి. సోవియట్ రష్యా, అమెరికా సంయుక్త రాష్ట్రాలు పోటాపోటీగా చంద్రునిపై శోధనలు, విశ్వంతరాళ పరిశోధనలు ప్రారంభించాయి. దాదాపు మూడు దశబ్దాలకు పైగా ఈపోటీ నడిచింది. సరిగ్గా ఈ దశలోనే టెక్నాలజీ అనేది భయపెట్టడానికీ రక్షణ పొందడానికి ఆధారమైంది. శత్రుదేశం ఇంత స్థాయిలో టెక్నాలజీ సాధించింది అనేది భయహేతువు కాగా; శత్రు దేశానికి సమఉజ్జిగా టెక్నాలజీని పొందామనే భద్రతా భావం కూడా మరోవైపు ఏర్పడింది.

ప్రపంచశాంతి కోసం సాంకేతిక విజ్ఞానం అనే భావన ఈ నేపథ్యంలో ఏర్పడింది. జపాన్‌పై అమెరికా బాంబులు ప్రయోగించిన రోజు హిరోషి మా డేను ఈ సందర్భానికి వేదికగా చేసుకుని ఆ భావనను ప్రచారం చేశా రు. ఈ దశలో అమోఘంగా కృషి చేసిన మహా శాస్త్రవేత్తలున్నారు. నేటికీ ఈరకమైన చర్చ చాలా అవసరం. ఇది ఇరుగుపొరుగు దేశాల మధ్య ఎంత అవసరమో తన లక్ష్యాన్ని స్థిరపరుచుకునే శాస్త్రవేత్తకు అంతకుమించి అవసరం. ఇక్కడే సైన్స్, టెక్నాలజీ ఎవరి కోసం బోధపడుతుంది.

విశ్వం రెండుగా విడిపోయిన తర్వాత పోటాపోటీగా స్పేస్ టెక్నాలజీ వృద్ధి చెందింది. అదే సమయంలో పరిశోధన భూతలం దాటి విశ్వాంతరాళంలోప్రవేశించడంతో పరిశోధన ఖర్చు విపరీతంగా పెరిగిందని గుర్తించా లి. సోవియట్ రష్యా విచ్ఛిన్నం తర్వాత అమెరికా వ్యూహం మార్చుకుంది. దాంతో ప్రపంచ దేశాలు సంయుక్తంగా పరిశోధనలకు దోహదపడడం మొదలైంది. ఇటీవల అంటే ఆగస్టు 26న 'నేచర్' పత్రికలో ఒక నివేదిక మరో విషయాన్ని వెల్లడించింది.

సిఈఆర్ఎన్ అన్వేషణకు సంబంధించి రాబోయే ఐదేళ్లలో బడ్జెట్ కోత ఎంతో చర్చించడానికి 20 దేశాలు సమావేశమవుతున్నాయని ఆ సమాచారం. ప్రస్తుతం యూరప్ దేశాలు సంయుక్తంగా పరిశోధనలు చేయడం ఒక పోకడ. సెర్న్ వంటి దాన్లో యూరప్ దేశాలతో పాటు అమెరికా, ఆసియా దేశాలు కలిసి పనిచేస్తాయి.

శాస్త్ర సాంకేతిక రంగాలలో మెగా రీసెర్చి ప్రాజెక్టులకు ఆర్థికంగా దోహదపడే మూడవ పెద్ద దేశం బ్రిటన్ ఇప్పుడు పొదుపు మంత్రం పఠిస్తోంది. ఫ్రాన్స్, జర్మనీ దేశాలు వ్యయం చేయడంలో తొలి రెండు స్థానాలు ఆక్రమించాయి. ఈ రెండు ఆర్థికంగా బ్రిటన్ కన్నా మెరుగ్గా ఉండవచ్చునేమో! నేడు కొన్ని మెగా రీసెర్చి ప్రాజెక్టులు ఆర్థికపరమైన సంఘర్షణను ఎదుర్కొంటున్నాయి. ఇలా సైన్స్, టెక్నాలజీ తొలినుంచి ఏదో ఒక రకమైన సంఘర్షణను ఎదుర్కొంటున్నాయి. అయితే నేడు పలు దేశాలు కలిసి ఈ సంఘర్షణలో పాలుపంచుకోవడం మబ్బు తునకకు వెలుగు చారిక!

-నాగసూరి వేణుగోపాల్

దృశ్యాన్ని దుర్వినియోగం చేయడం ఇలానా? Andhra bhoomi daily 21 Sep 2010

2010-09-23T08:37:00.000-07:00

వార్తా చానళ్ళమీద విమర్శలు గమనిస్తే- అవి వార్తా చానళ్ళు అనే ధర్మం కోల్పోయాయి, మిగతా వినోదాత్మక చానళ్ళు ప్రసారం చేసే కార్యక్రమాలు- భక్తి, సినిమా, ఆరోగ్యం, క్రీడలు.. ఇలా ప్రతి సెగ్మెంట్ అంశాలు న్యూస్ చానళ్లలో తప్పనిసరి అయ్యాయి, వార్తా చానళ్ళు మిగతా చానళ్ళను కాపీ కొడుతున్నాయనే అభిప్రాయం ఉంది. అయితే ఈ అనురకరణ అనేది ఒకే దిశలో కాకుండా వ్యతిరేక దిశలో కూడా సాగుతున్నదని ఇటీవల తెలిసి వచ్చింది. ఉదయం ఫోన్ ఆధారిత జ్యోతిష్య సలహాలు ప్రతి వార్తా చానల్‌లో స్థిరపడిపోయాయి. ఇటువంటి కార్యక్రమాలవల్ల చానళ్ళకు ఆదాయంతోపాటు వీక్షకులు లభిస్తున్నారు.
కొంతకాలం క్రితం జెమిని టీవీ ‘శుభలగ్నం’ అనే జ్యోతిష్య సలహాలు కార్యక్రమం ప్రారంభించింది. ఈటీవీ ‘గ్రహబలం’ వంటి కార్యక్రమం ప్రతి ఆదివారం ఇవ్వడం మొదలుపెట్టింది. ఈ సెప్టెంబర్ 13 నుంచి ఈటీవీ అటువంటి కార్యక్రమాన్ని ప్రతిరోజు ప్రసారం చేస్తూ ‘శుభమస్తు’ అని నామకరణం చేసింది. దాంతో పాటు ‘జీవనజ్యోతి’ అనే ఆయుర్వేద సంబంధమైన కార్యక్రమాన్ని మొదలుపెట్టింది. రెండు సినిమా ఆధారిత కార్యక్రమాలను రద్దుచేసి వీటిని ప్రారంభించారు. ఆయుర్వేదం సంబంధించిన ఆరోగ్య కార్యక్రమం జీ తెలుగులో చాలాకాలంగా ప్రసారమవుతూ, ప్రాచుర్యం పొందింది. అలాగే మాటీవీ కూడా!
***
అనుకరణ అనేది చాలా మామూలు అయిపోయింది. ప్రతి వార్తా చానల్ కూడా ‘కార్టూన్’ వంటి కార్యక్రమాలు రెండు మూడు ప్రారంభించింది. దీనిని ‘టీవీ కార్టూన్’ అని కూడా అనవచ్చునేమో! వికటకవి ఒక రకం కాగా, దాదా మరోరకం. సిల్లీబ్రాండ్, మిష్టర్ గిరీశం, గజనీ షో... ఇలాంటి పేర్లతో ఏ చానల్‌కా చానల్ రూపొందిస్తోంది. చానళ్ళు రాజకీయ పరంగా ధ్రువీకరణం చెందడంవల్ల ఇటువంటి సృజనకు మరింత వీలుంది. ఇటువంటి ప్రయత్నాలవల్ల ఉద్దేశిత భావాన్ని బట్వాడా చేయడం సులువు. ఖర్చు కూడా బాగా తక్కువ. వాయిస్ మిమిక్రీతో నడిపించివేయవచ్చు. అయితే ఇటువంటి ప్రయోగాలు కొన్ని వీక్షకుల సహనాన్ని పరీక్షిస్తున్నాయి. ఎందుకంటే కొన్ని సందర్భాలలో వీటి నిడివి ఎక్కువగా ఉండటం, మరికొన్ని సమయాల్లో ఒకే కార్యక్రమాన్ని నాలుగైదు రోజులు ప్రసారం చేయడంవల్ల ఎవరికి ప్రమాదమో చానళ్ళు గమనించాలి. అలాగే చౌకబారు స్థాయిలో వ్యాఖ్యలు వీటిల్లో ఉండటం కూడా మంచిదికాదు.
టీవీ-5 చానల్ మొదలైనపుడు ‘పాటనై వస్తున్నా’ అనే కార్యక్రమం ప్రారంభించింది. జనపదాల్లో వినిపించే పాటలకు కేటాయించిన కార్యక్రమం. ఇపుడు మరికొన్ని చానళ్ళు ఇలాంటి కార్యక్రమాలు ప్రారంభించడం మంచిదే! జీ తెలుగు చానల్ వంటల కార్యక్రమాలను విభిన్నంగా రూపొందించి ప్రాచుర్యం పొందింది. దీంతో మిగతా చానళ్ళు అదే దారిలో బడ్డాయి. అలాగే పిల్లల్లో పాటల కార్యక్రమాలను ఇపుడు మరికొన్ని చానళ్ళు మొదలుపెట్టడం గమనార్హం.
వార్తాపత్రికలను ఆధారం చేసుకుని ఉదయం కార్యక్రమం రూపొందించడం మనకు తెల్సిందే. పోటాపోటీగా అన్ని చానళ్ళు ప్రారంభించి ఎక్కువసేపు ప్రసారం చేసేవారు. తర్వాత కొన్ని చానళ్ళు అటువంటి కార్యక్రమాలను ఆపివేయడం కానీ, సమయాన్ని కుదించడం కానీ జరిగింది. ఇటీవల ఆపివేసిన చానళ్ళు మరలా ప్రారంభించాయి. జీ 24 గంటలు, ఐ న్యూస్ మరలా ప్రారంభిస్తే; సాక్షి సమయాన్ని మార్చి మరలా ప్రారంభించింది. హెచ్‌ఎంటీవీ సమయాన్ని తగ్గించి చాలా రోజులయ్యింది. ఇలా ప్రారంభించడం, సమయాన్ని పొడిగించడం, కుదించడం, రద్దుచేయడం అనేవి ఏ అంశాల ఆధారంగా జరుగుతాయో బోధపడదు. ఎటువంటి హేతుబద్ధత లేకుండా గొర్రెదాటు విధానంలో చానళ్ళు మార్పులు చేస్తున్నాయో- అని కూడా భావించాలేమో!
***
టెలివిజన్ మాధ్యమం స్థూలం దృశ్యమాథ్యం. కానీ బుల్లితెరమీద కేకలేస్తూ కార్యక్రమాలు సమర్పించే వారికి ఈ విషయం తెలిసి ఉండదు లేదా తెలుసుకోవడానికి నిరాకరిస్తారో తెలియదు. గొంతును దుర్వినియోగం చేసినట్టే చాలా సందర్భాలలో దృశ్యాలను దుర్వినియోగం చేస్తారు. నెల్లూరు సంఘటనలో నర్తన అనే బాలిక క్రౌర్యానికి గురైంది. ఆమె తల్లిని శాపనార్థాలు పెట్టడం అటుంచి, ఆ బాలిక గాయాలను, పుండ్లను దాదాపు అన్ని చానళ్ళు చాలా విపరీతంగా, అనౌచిత్యంగా, జుగుప్సాకరంగా చూపాయి. ఆ వార్తాంశం ప్రసారం చేసినపుడు ఒకసారి చూపి, వివరాలను న్యూస్‌రీడర్ చదివితే చాలు. ఆ అమ్మాయి మొహం చూపించవచ్చు. అలా కాకుండా పదే పదే చూపడంతో వీక్షకుల మనసులు విపరీతంగా గాయపడతాయి. దౌష్ట్యం గురించి చెప్పడం వేరు, చూపడం వేరు. ఈ తేడాను గమనించిన తెలుగు చానల్ ఒకటైనా ఉందా?
ఇలా చేయడం చాలా నీచమే! తల్లికాదు తాటకి- అనే స్థాయిలో శీర్షికలు పెట్టిన చానళ్ళు కార్యక్రమాలను చేశాయి. మనిషిలోని పాశవిక లేదా ఇంకా అథమమైన గుణాలు ప్రకోపిస్తే ఇలానే జరుగవచ్చు. ఆమెలోని తల్లికన్నా కామిని చాలా రెట్లు బలంగా ఉండి ఉండవచ్చు. అదే సమయంలో చానళ్ళు గాయపడిన నర్తనను పదే పదే క్లోజుప్పులలో వందలు, వేలుసార్లు చూపి వీక్షకులను హింసించాయి.
***
సంగీతాన్ని మేళవించే గుణం చానళ్ళకు తగ్గిపోతోందా! సంగీతం అంటే హైడ్‌లైన్స్ నేపథ్యంగా ఇచ్చే చప్పుడు కాదు. టీవీ-5 ప్రారంభమైనపుడు జిల్లాల నేపథ్యం గురించి ప్రత్యేకంగా పాటలు రాయించి, చిత్రించి ప్రసారం చేశారు. ఆ జిల్లా వార్తలకు దాన్ని విధిగా వాడేవారు. తర్వాత తర్వాత ఆపివేశారు- ఎందుకు? మిగతా అనుకరించలేదని ఆపివేశారేమో తెలియదు. కానీ కాస్త ఓపికగా ప్రసారం చేస్తే- ఆయా ప్రాంతాలలో, ఆయా ప్రాంతాలకు చెందిన వారిలో ఇది తప్పక ఆకట్టుకుంటుంది. మిగతావారికి అది సమాచారం. అంతకుమించి వీక్షకుడికి మంచి రిలీఫ్. అలాగే మహా టీవీ మొదలైనపుడు మంచి పాట రాయించి, పలుసార్లు ప్రసారం చేశారు. మరి ఇపుడేమైందో? ఎందుకు వినిపించదు? కనీసం కొన్ని భాగాలుగానైనా అపుడపుడు వినిపించవచ్చు గదా!

ఆగస్ట్ కెకులే

2010-09-19T09:45:00.000-07:00

ఇదేనా మన ఇంగితం? Andhra Jyothy, Sept.10,2010

2010-09-10T23:42:00.000-07:00

నిజానికి ఒక విషయం గురించి తెలుగునాట చర్చ అంతగా జరగలేదు. అస్ట్రేలియా లో ఫలానా వ్యక్తి దేశాధినేత అవుతాడని ఆక్టోపస్ పేర్కొంది. దానికి తార్కాణం ఏమిటంటే ఆ ఫలానా వ్యక్తి ఫోటోను గట్టిగా కావలించుకుంది ఆక్టోపస్. ఆయన ప్రత్యర్థి పట్ల కనీసం చూడనైనా చూడలేదు.

ఇలాంటి వార్తలు జూలై నెలలో ప్రపంచ వ్యాప్తంగా పత్రికల్లో, టీవీల్లో గిరికీలు కొట్టాయి. కానీ ఆగస్టులో జరిగిన ఎన్నికల్లో తేలింది ఏమిటి? ఏ పార్టీకి ఆధిక్యత రాకుండా ఆయోమయ పరిస్థితి ఏర్పడింది. ఆ గందరగోళం ఇంకా తేట పడలేదు. ఎవరు అధ్యక్షులో తేలలేదు. సరే ఇది రాజకీయ పరిస్థితి. ఆయారాం, గయారాంల ఆట ఇంకా కుదుట పడలేని దేశమది. మరి ఆక్టోపస్ జ్యోతిష్యం ఏమిటి? ఎందుకు చెట్టెక్కింది?

వార్తల వెల్లువలో, వ్యాఖ్యానాల సముద్రంలో మునిగిపోకుండా ఒక్క క్షణం ఆలోచిం చి చూస్తే ఈ ఆక్టోపస్ వ్యవహారం ఏమి చెబుతుంది? ఎనిమిది కాళ్ళ జీవి చెప్పడం ఏమి టి? దాన్ని మనం నమ్మడం ఏమిటి? నెదర్లాండ్స్‌పై స్పెయిన్ గెలవడం, జర్మనీ క్రీడా విజయాలు -జూలైలో ప్రపంచ వార్తల్లో పెద్ద విశేషం.

వీటిని పాల్ అనే ఆక్టోపస్ ముందుగా చెప్పిందని ఒకటే హోరు! ఆ సమయంలోనే తెలుగునాట ఛానళ్లలో చిలుక జ్యోస్యాలు కూడా వచ్చి పడ్డాయి. అయితే నేడు ఆక్టోపస్ ఎలా హడావుడిగా సంచలనం సృష్టించిం దో, అంతకు మించిన వేగంతో అదృశ్యమైంది.

ఈ పరిస్థితి చూస్తే ఛార్లెస్ డికెన్స్ నవల 'టేల్ ఆఫ్ టూ సిటీస్' ప్రారంభ వ్యాక్యాలు తప్పక గుర్తుకు వస్తాయి. తెన్నేటి సూరి చేసిన అనువాదం నవల కన్నా మనకే మెరుగ్గా అతికినట్టు అనిపిస్తుంది.

'అది వైభవోజ్వల మహాయుగం-వల్లకాటి అధ్వాన్నశకం; వెల్లి విరిసిన విజ్ఞానం-బ్రహ్మజెముడులా అజ్ఞానం; ఆశాకుసుమాలు కుసుమించే మధుర వసంతం నైరాశ్యపు చలిగుబుళ్లు, ...స్వర్గానికి రాచబాట చేసుకున్నామనుకున్న- మనుష్యులు నడుస్తున్నారు నరకానికి సూటిగా...' సరిగ్గా ఇలాంటి పరిస్థితే ప్రపంచవ్యాప్తంగా తాండవిస్తోందా?

అమేయమైన తెలివిగల ఆధునిక మనిషీ, అటు అణు గర్భాన్ని, జన్యు అంతఃకుహారాన్ని జయించాడని భావించే మనిషీ; మరోవైపు విశ్వాంతరాళాన్ని, అన్య గ్రహాలను శోధించే మనిషీ-కనీస ఇంగితాన్ని సైతం ఆధునికత అనే లాకర్లో పెట్టి ఆక్టోపస్ చెప్పిందని పడుగులిడటం, ప్రపంచవ్యాప్తంగా చర్చించడం ఏమిటి?

ఆక్టోపస్ వ్యవహారం అనేది కేవ లం ఒక మచ్చుతునక మాత్రమే! మన బుద్ధి నైశిత్యాన్ని చూసి ఆక్టోపస్ పగలబడి నవ్వుతోందా అనిపిస్తోం ది. మన సామాజిక శాస్త్రాలు, నైపుణ్యాలు, ఉదారవాదాలు, శాస్త్రీయ దృక్పథాలు లుప్తమై జ్యోతిష్యం అంటూ ఎనిమిదికాళ్ల జీవి వెంట పడటం తమాషా గదూ!

అస్తికత్వం, నాస్తికత్వం-అనే ఆలోచనలతో పోలి స్తే ఆక్టోపస్ వ్యవహారం చాలా దిగువన ఉండిపోతుంది. దేవుడు ఉన్నా డు, లేడు-అని వివాదం చేసే వారిలో కనీసం స్పష్టత ఉంటుంది. కానీ అసలు స్పష్టత లేని గాలి వాటు వ్యవహారాలు ఆక్టోపస్ వంటి అంశాలు!

ఎద్దు ఈనింది అంటే కొట్టంలో కట్టెయ్ అనే మాటలో ఔచిత్యరాహిత్యం పుష్కలంగా ఉందని మనం భావిస్తాం. కానీ ఆక్టోపస్ వ్యవహారాన్ని ఖండించాలని మనం పరిగణిం చం. దీనికి ఖండన కూడా అక్కరలేదని అంటాం కూడా! ఇది పైపెచ్చు వినోదం కలిగించే విషయం కదా అని కూడా చమత్కరిస్తాం.

ఈ తతంగంలో కామన్‌సెన్స్ కొంత ఉన్నది కూడా కొండెక్కుతుందనే భావన మనకు రాదు. ఇందులో మనం వినోదం పెంచుకునే రీతిలో ఉంటే వాదనలో, వ్యాఖ్యలో తేడా ఉంటుంది. చివరకు ఆక్టోపస్‌ను ఆక్టోపస్ మాత్రమే చంపుకుంది. ఆస్ట్రేలియాలోని అనిశ్చిత పరిస్థితి. మనకు జ్ఞాన భిక్ష పెట్టింది. కానీ మన మధ్య ఆక్టోపస్ తతంగాలు చాలా ఉన్నాయి.

ఐటి చదువు చదివి, మంచి ఉద్యోగం చేస్తూ కంప్యూటర్‌తో చేతికి రంగురంగుల దారా లు ధరించే యువకుల ఆలోచన ఏమిటి? మంచి భర్త కావాలని పూజలు చేసే ఆధునిక యువతి-ఒకవైపు చదువు, మరోవైపు ఉద్యోగం గల ఈ యువతి-నిత్యం పూజలు చేయడంలోని ఆంతర్యం ఏమిటి?

గ్రహబలం, రాశిఫలం, జ్యోతిష్యం అంటూ ప్రతి ఉదయం తమ సమయంతో పాటు ఎంతో మందికి కాలహరణం చేసే మీడియా వ్యక్తుల దృక్పథం ఏమిటి? రంగురాళ్లను ధరిస్తే లేదా మరో కవచం ధరిస్తే కష్టాలుపోతాయి, సుఖాలు పరిగెత్తుకువస్తాయని తారలు చెబితే నమ్మే జనం ఇంగితం ఏమిటి?

ఇలాంటి 'ఆక్టోపస్ తంతులు' ఇంకా మనకు చాలానే ఉండవచ్చు. ఇవి ఎనిమిది కాళ్లతో ఏకకాలంలో ఎనిమిది దిక్కుల్లో సాగవచ్చు. ఫలితంగా మనం పైకి కాకుండా ఎంతో కిందకు వెడుతూ వెళ్లవచ్చు. అందుకే నేడు మనకు ఇంటర్‌నెట్, వీకీపీడియా, విజ్ఞాన సర్వస్వాలు అవసరం లేదు. ఇప్పుడు కావాల్సింది పెద్దబాలశిక్ష స్థాయి ఇంగితం మాత్రమేనా?

-నాగసూరి వేణుగోపాల్

శృతి మించకూడదు TV VEEXANAM , Andhra Bhoomi daily

2010-09-10T23:26:00.000-07:00

September 7th, 2010

పది పనె్నండేళ్ల క్రితం రెండే ప్రధానంగా టీవీ చానళ్లు వుండేవి-జెమిని, ఈటీవీ. వాటి మధ్య సిటీకేబుల్. సిటి కేబుల్ దేనితోనూ పడలేక సినిమాల విషయంలో భయంకరంగా వుండేది. ఏ ఇతర చానల్ ఫలానా గంటలకు ఫలానా సినిమా అంటే-దానికి ముందే సిటి కేబుల్ ఆ సినిమాను ప్రసారం చేసేది. అందుకే ఖర్చు, శ్రమలేని పోటీ అయితే అనుక్షణం సంసిద్ధం-అని అనడం. పదమూడేళ్లు గడిచినా, చానళ్ల సంఖ్య నలభైదాకా పెరిగినా-చౌకబారు పోటీ అదేస్థాయిలో లేదా మరింత తీవ్రంగా వుంటోంది. గత ఆదివారం ఒకేసమయంలో రెండు చానళ్లలో ప్రభాస్ నటించిన సినిమా ప్రసారం కావడం దానికి తార్కాణం! ఈ పోటీ కేవలం ప్రభాస్ సినిమాకే కాదని కాస్త పరిశీలిస్తే బోధపడింది. లోకల్ టీవీ టాటాడొకోమా అవార్డుల కార్యక్రమాన్ని ప్రసారం చేస్తే మా టీవీ మరో అవార్డుల కార్యక్రమాన్ని ఇచ్చింది. దీనితోడు తేజా (లేదా జెమిని) చానల్ రెండేళ్ల క్రితం అవార్డుల కార్యక్రమాన్ని మరలా ఇప్పుడు ప్రసారం చేసింది. ఇదెక్కడ దిక్కుమాలిన పోటీనో బోధపడడంలేదు. కేవలం పోటీగా ప్రసారం చేస్తున్నారు కానీ, ఆ కార్యక్రమాలు ఎందుకు ఇప్పుడు ప్రసారం చేయాలో వారు ఆలోచించడంలేదు. ఇలా అనౌచిత్యంగా, హాస్యాస్పదంగా ఇవ్వడంవల్ల చానళ్లకు గౌరవం తగ్గడం తప్ప మరొకటి జరగదు.
టాటా డొకోమా సంస్థ చాలా వితరణంగా చాలా పెద్ద సంఖ్యలో అవార్డులు ప్రకటించింది. టీవీ, పత్రికలు, రేడియో-లా చాలా రంగాలకు పాతిక, యాభైదాకా అవార్డులివ్వడం విశేషం. అయితే ఇక్కడ కూడా తమాషా కనబడుతోంది. ఏ కారణంవల్ల ఒక ఆవార్డు ఇస్తున్నారో, అదే కారణంతో మరో విజేతను విబేధించవచ్చు. కానీ అంత వైవిధ్యంగా, ఎంతో సహిష్టుతతో ఎంపిక చేయడంలో సంస్థల వాణిజ్య లాఘవం కనబడుతోంది. అదే సమయంలో అవార్డులు కూడా ఎలా ప్రస్తుత పోకడలతో మమేకమైపోతున్నాయో కూడా బోధపడుతుంది. అంటే ఒక వ్యవస్థీకృతమైనదిగా తయారవుతోంది. ఈ అవార్డులు ప్రదానోత్సవ కార్యక్రమంలో శ్రీనివాసరెడ్డి-వేణు సమర్పించిన హాస్య కార్యక్రమం గొప్పగా వుంది. టీవీ చానళ్లు టీఆర్‌పి వెంపర్లాటను చాలా పచ్చిగా, గట్టిగా బయటపెట్టింది. నిజానికి ఈ ప్రయత్నం ఆద్యంతం నవ్వించడమే కాదు, చానళ్లకు తొడపాయసం పెట్టినట్టు నడిచింది. ఎంత అర్ధరహితంగా, అనౌచిత్యంగా టీవీ పోటీ సాగుతోందో ఇక్కడ వ్యంగ్యంగా బట్టబయలు అయింది. అయినా టీవీ చానళ్లు అదే తరహాలో తమ వెంపర్లాటలో అవిసాగుతున్నాయి. దీనికి చాలా ఉదాహరణలు చూడవచ్చు. అయితే అదే సమయంలో చానళ్ల రాజకీయ ప్రయోజనాలు కూడా ఘనంగానే నడుస్తున్నాయి. ప్రస్తుతం పనె్నండు వార్తా చానళ్లను మూడు సమూహాలుగా పరిశీలించవచ్చు. ఈటీవీ-2, ఎబిఎన్, మహా టీవీ, స్టూడియో-ఎన్ ఒక సమూహం కాగా, ఎన్‌టివీ, టీవీ-5, సాక్షి, ఐన్యూస్ మరో సమూహం. మొదటి సమూహం వార్తలు ఎలావుంటాయో వేరుగా చెప్పనక్కర్లేదు అదేరీతిలో రెండో సమూహం! ఈ వర్గీకరణకు దొరకని చానళ్లు నాలుగున్నాయి. టీవీ-9 తొలి సంచలనాత్మక తెలుగుచానల్‌గా కీర్తిపొందింది. దీనికి గతిశీలత చాలా ఎక్కువ. రాజకీయపరమైన విధానం ఏమిటో ఒక్కోసారి బోధపడదు. ఒక్కసారి చాలా బ్యాలన్స్‌డు అనిపిస్తుంది. తర్వాత మరుక్షణంలో ఇంకోరకంగా వుంటుంది. జెమినీ న్యూస్ మూడవ తెలుగు న్యూస్ చానల్ అయినా సరైన రీతిలో వీక్షకులకు అందుబాటులో లేదు. అందువల్ల జెమినీ న్యూస్ గురించి వ్యాఖ్యానించడం తగదు. ఇక హెచ్‌ఎంటివి, జీ 24 గంటలు కాస్త తెలంగాణ మొగ్గుగల చానళ్లు అని ముద్రపడినవి. అయితే రాజ్ టీవీ రాకతో ఈ గుర్తింపును అది స్పష్టంగా తీసుకుంది. ఇటీవల జీ 24 గంటలు రాజకీయ వాసన తగిలించుకుని సినిమా, అశ్లీలం కలగలిపిన కార్యక్రమాలు బాగా పెంచింది. హెచ్‌ఎంటివి కాస్త విభిన్నంగా, నిలకడగా సాగుతున్న చానల్. దిశ-దశ కార్యక్రమాలతో తెలుగు న్యూస్ చానళ్లను స్టూడియో నుండి బయటకులాగిన ఘనత హెచ్‌ఎం టీవీదే! ఇటీవల ‘్థర్డ్ డిగ్రీ‘ అనే కార్యక్రమం స్టూడియో ఎన్‌లో చూశా. మూడు నాలుగు నిమిషాల ఈ కార్యక్రమానికి స్పూర్తి, ఆధారం సినిమా భావన. ఎమ్‌ఎస్ నారాయణను పోలిన బొమ్మ , గొంతుక ఈ కార్యక్రమాన్ని నడిపిస్తుంది. ఎంత స్థాయిలో తెలుగుదేశం సానుభూతి వున్నా, ఆ స్థాయిలో ముఖ్యమంత్రిని అగౌరవపరచడం భావ్యం కాదు. చానళ్లకు కనీస స్థాయిలో హుందాతనం వుండాలి. ఎన్‌టివి స్వాతంత్య్రదినోత్సవం రోజున కాస్త అతి చేసిందని ఇటీవల వార్తలు వెలువడ్డాయి. అయితే శృతి మించడం ఎవరికీ మంచిది కాదు!

అవివేకం, అజ్ఞానం వెరసి సంచలనం

2010-08-31T18:04:00.000-07:00

Aug 30,2010

ఒక సంచలన వార్త మీకు వినబడగానే అందులోని సత్యాసత్యాలు తెలుసుకోవడానికి ఏ న్యూస్‌ఛానల్ మొదట చూస్తారు?-ఇది దాదాపు సంవత్సరం క్రితం (మనకు న్యూస్ ఛానళ్లు బాగా పెరిగిన సమయంలో) సి.ఇ.ఓ స్థాయిలో వుండే వ్యక్తి నన్ను అడిగిన ప్రశ్న. ఫలానా చానల్ అంటే నాకు గట్టి నమ్మకం, ఆ ఫలానా ఛానలే చూస్తానని నేను చెబుతూ ఒక చానల్ పేరు చెప్పగలనని ఆయన ఉద్దేశ్యం కావచ్చు. నిజానికి పోటీ పెరిగిన ఇటువంటి పరిస్థితి అటువంటి విశ్వసనీయత వుంటే ఏ చానల్ అయినా గర్వపడాలి.ఈ ప్రశ్న అడిగినందుకు ఆయనను అభినందించాలి. చానళ్లు ఆ రీతిలో ఆలోచిస్తే మరీ మంచిది!
గత మంగళవారం రాత్రి దాదాపు పది గంటల సమయంలో ఓ చానల్‌లో బ్రేకింగ్ న్యూస్ అంటూ-కర్నూలు జిల్లా నల్లమల ప్రాంతంలో పెద్ద శబ్దం, ఎంతో వెలుగు, భయాందోళనల్లో ప్రజలు, అధికారుల అభిప్రాయం-కనబడింది. ఇది రిమోట్ కాలం మరి! మనం ఎంత వేగంగా చానల్ మారుస్తున్నామో, అదేవేగంలో అక్కడ కూడా దాదాపు అదే సమాచారం అన్ని చానళ్లలో కనబడుతోంది. అంతకుమించిన స్పష్టత లేదు. ఒకవేళ వుంటే సంచలనాత్మకతలో స్థాయి భేదం వుండవచ్చు. మనకు ఎన్ని తెలుగు చానళ్లు వున్నాయో, అన్నీ లేదా మా కేబుల్‌లో ఎన్ని తెలుగు చానళ్లు వస్తాయో అన్నీ అదేపంథాలో వున్నాయి.
మరి వీక్షకుల పరిస్థితి ఏమిటి? ఏదో చానళ్ల వ్యవహారంలే! ఏదైనా ఉంటే గింటే ఉదయానికి తెలుస్తుంది కదా అని నిద్రపోక తప్పనిపరిస్థితి తయారైంది. ఆ మధ్య వెంకటాద్రి రైలో, పద్మావతి ఎక్స్‌ప్రెసో-అంటూ కొంతసేపు హడావుడి సాగింది. చీకటిమాటున సాగిన వార్త తెలారేసరికి నల్లబారిపోయిందిసరే, మొదటి ప్రశ్నను చూద్దాం. ఒక్క ఫలానా చానల్‌విశ్వసనీయత గలిగి ఉంది-ఎందుకంటే అది ఫలానా ప్రతిష్టాత్మక సంస్థతి లేదా ఒక ప్రముఖ వ్యక్తి నిర్వహిస్తున్నారు అని భావించే పరిస్థితి పత్రికలకు వుండవచ్చు. అది చానళ్లకు వర్తిస్తుందా? పత్రికా రంగం కొంత వ్యవస్థీకృతంగా, కొంత క్రమశిక్షణతో సాగుతుంది. వార్తా చానళ్లకు సమయంలో పరిమితి లేనట్టే చాలా విషయాల్లో వెసులుబాటు వుంది. కొందరు వ్యక్తులు గొప్పగా ఉన్నంత మాత్రాన ఆ గొప్పతనం 24 గంటలూ వ్యాపించదు. ఎందుకంటే ప్రత్యక్ష ప్రసార కాలమిది. మారుమూల ప్రాంతాని చెందిన వార్త వివరించడానికి ఒక యువకుడికి కెమెరా, మైకు అప్పగించిన సమంలో ఆ వార్తకు ఆయనే సర్వాధికారి. ప్రపంచం గురించి, జర్నలిజం గురించి ఆయనకు ఎటువంటి అవగాహన వుందో, అదే వార్తను రూపుదిద్దుతుంది. ఈ ఫలానా వ్యక్తి స్థాయికి ఆ సంస్థకు సంబంధం వుందా? ఉండాలా? లేకపోతే దాన్ని సాధించే ప్రయత్నాలు సాగుతున్నాయా? అనేది వేరే ప్రశ్నలు.
మొత్తం ప్రసారాలు ఎలా సాగుతున్నాయో పరిశీలించే వ్యవస్థ లేదు. కనీసం ప్రసారమైన తర్వాత దాచుకునే వెసులుబాటు కానీ, తీరిక కానీ చాలా చానళ్లకు ఉండకపోవచ్చు. అలా దొరికింది, ఇలా వడ్డించడమే తప్ప మరో చర్యకు అవకాశం లేకపోవచ్చు. ఒకవేళ ఏదైనా పొరపాటు జరిగితే తక్షణమే తెలియజెప్పి అదే ప్రసారంలో దాన్ని సరిచేసే అవకాశం వుందా? ఆమంచి కృష్ణమోహన్ చానళ్ల యాజమాన్యాల ఘన కార్యాల గురించి కుండబద్దలుకొట్టినట్టు చెప్పిన విషయాలు అలానే ప్రత్యక్ష ప్రసారమయ్యాయి. ఆ సమయంలో సదర చానళ్లు సిఇఓ కూడా సగటు వీక్షకుడిలా ఆ విషయాలు బుల్లితెర ద్వారా తెలుసుకోవడం జరగవచ్చు. అయితే గియితే ఆ వార్త ప్రసారమయ్యాక ప్రత్యక్ష ప్రసారాన్ని ఆపివేయవచ్చు. అంతకు మించి మరే ప్రత్యామ్నాయ మార్గం ఏదైనా ఉందా?
సిబ్బంది ఉన్నా లేకపోయినా-పోయినా పోటీపడి ప్రత్యక్ష ప్రసారాలు చేయడం బాగానే వుంది. అయితే అంత ఉత్సాహం సిబ్బంది నాణ్యత పెంచడానికి కానీ, లేదా ప్రత్యామ్నాయం కూడా వుండే రీతిలో టెక్నాలజీని సంవృద్ధి పరచడానికి కానీ వుండద. దీనివల్ల ఖర్చు పెరుగుతుందని చానళ్ల అభిప్రాయం కానీ అవివేకం, అజ్ఞానం కలగలిస్తే టెలివిజన్ రేటింగ్ పాయింట్ (టిఆర్‌పి) పెరగడం ఒక అనుభవం. ఫలితంగా ఖర్చు తక్కువ, ఆదరణ ఎక్కువ అనే భావం కూడా స్థిరపడింది. నల్లమల అటవీ ప్రాంతంలో ఏదో విమానం కూలిపోయిందనే రీతలో భయపెట్టిన చానళ్లు మరుసటిరోజు ఉదయం ఆ విషయం గురించి మెదలకుండా వేరే వార్తలు చెబుతూపోయాయి. నిజానికి ఆ ప్రాంతానికి వెళ్లి, చూసి, పరిశీలించే సిబ్బంది ఎన్ని చానళ్లకు వున్నారు. హైదరాబాద్ పొలిమేరలకు వచ్చాక ఎవరి వ్యవహారం వారిది, ఎవరిపోటీ వారిది అనే పోకడ వుంటుంది. కానీ అట్టడుగు స్థాయిలో ఆధారం ఒకేపుకారు కావచ్చుదాన్ని అందుకున్న జర్నలిస్టు కూడా కేవలం ఒక్కరే అయివుండవచ్చు. ఈ స్థాయిలో వార్తా సమాచారాన్ని పంచుకోవడం చాలా సహజం. ఎందుకంటే వారి కారణాలు వారికి ఉంటాయి! అలాగే పక్క చానళ్ల బ్రేకింగ్ చూసి తాము కూడా సాగే అలవాటు చానళ్లకుండవచ్చు!
నిజానికి ఇలాంటి చర్చ చాలామంది చానళ్ల ప్రముఖులకు అసహనం తెప్పిస్తుంది.
ఎప్పుడూ విమర్శలేనా? కొంత మెచ్చుకోలు వద్దా? అని వారడగవచ్చు.
అయితే ఈ చర్చ చేస్తున్నది వీక్షకులకోసం కాదా!

ఓల్డేజి హోంలో గణితం-ANDHRA JYOTHY daily 27.8.2010

2010-08-27T09:38:00.000-07:00

'నెమలికి పించం ఎలాగో/నాగుబాముకు మణి ఎలాగో'- విజ్ఞాన శాస్త్రానికి గణి తం అలా భాసిస్తుంది. ఈ అర్థం వచ్చే శ్లోకాన్ని రాష్ట్రపతి ప్రతిభా పాటిల్ ఈ నెల 19న అంతర్జాతీయ గణిత శాస్త్రవేత్తల సమ్మేళనంలో పేర్కొన్నారు. మన దేశంలో ఇటువంటి సదస్సు జరగడం ఇదే ప్రథమం. అది కూడా హైదరాబాదులో జరగడం మనకు ఆనందదాయకం.

గణితాన్ని 'క్వీన్ ఆఫ్ సైన్సెస్'గా పిలువడం కద్దు. వాస్తవానికి విజ్ఞాన శాస్త్రం అనేది గణితం ద్వారా పలుకుతుంది. భౌతిక శాస్త్రానికి గణితాత్మక రుజువులు ప్రవేశపెట్టింది గెలీలియో! శ్రీశ్రీకీ, గురజాడకు ఎంత సాహిత్య సంబంధం ఉందో న్యూటన్‌కూ గెలీలియోకు అంతే విజ్ఞాన శాస్త్ర సంబంధం ఉంది.

తర్కం బదులు, గణితం రాక తో విజ్ఞాన శాస్త్రం వ్యక్తీకరణ పెరిగింది. నేడు ఆర్థిక శాస్త్రం, జీవ శాస్త్రం వంటి చాలా రంగాలలో గణితం కీలకమైంది. డిఎన్ఏ, జీనోమ్ వంటి రంగాలలో గణితం సాయపడ కపోతే అడుగు ముందుకు కదలదు.

గణితశాస్త్రం మీదున్న అపోహలు కూడా చాలా ఎక్కువ! లెక్కలు అర్థం కావని చెప్పడం ఒక ఫ్యాషన్. దీనికి తల్లితండ్రులు, ఉపాధ్యాయులు కూడా ఇతోధికంగా దోహ ద పడుతున్నారు. మూడు దశాబ్దాల క్రిందటి మాట మీతో పంచుకుంటాను. తొమ్మిదో తరగతిలో ఆల్జిబ్రా క్లాసులో చాలా ఒక లెక్కను స్టెప్స్‌ద్వారా సాధించి, ముగించాం. మాస్టారు చెప్పేటప్పుడు ఎటువంటి నోట్స్ లేకుండా బోర్డు మీద రాస్తూ పోతే మేం అందివ్వడం పద్ధతి.

అలా అందించడంలో మా మధ్య పోటీ ఉండేది. ఓసారి అలా సాధించిన తర్వాత నేను టీచరును అడిగాను-ఎందుకింత కష్టపడి దీన్ని పూర్తిచేయడం? దీనివల్ల ఉపయోగం ఏమిటి? అని. ఆయన నా మీద ఇష్టంతో వివరించారు.

కానీ నాకు ఏ మాత్రం సంతృప్తి కల్గించలేదు. ఆయనకు ఆ స్థాయిలో బోధన జరిగి ఉంటే నాకు సం తృప్తికరమైన సమాధానం లభించి వుండేది. అగ్రశ్రేణి ఉపాధ్యాయుల పరిస్థితి మూడు దశాబ్దాల క్రితం ఇలాఉంటే నేడు ఎలా మారి ఉంటుంది?

దీనికి సమాధానం ఏడోతరగతి పాఠ్య పుస్తకం (ఆంధ్రప్రదేశ్ ప్రభుత్వం ప్రచురించింది)లో తర్వాత కొంత కాలానికి చూశాను. ఆ పుస్తకం మున్నుడిలో విశ్వంలో, విశ్వాంతరాళంలో వస్తువులు, ఖగోళ వస్తువుల మధ్య దూరం కనుక్కోవటానికి గణితం తోడ్పడుతుందని పేర్కొన్నారు. దీని కంటే మెరుగైన నిర్వచనం మరోటి ఉండవచ్చు.

కానీ దానిని వివరించేస్థాయిలో ఉపాధ్యాయుడు ఉంటే గణితానికి ఆకర్షణ ఉంటుంది, సౌందర్యం ఉంటుం ది అందుకే డాన్ స్పైల్‌మన్ అనే గణిత శాస్త్రవేత్త తనకు ప్రదానం చేసిన ఒక పురస్కారానికి ధన్యవాదాలు చెబుతూ నాలుగో గ్రేడులో తనకు గణితంలో ఆసక్తి కల్గించిన మాస్టారుకు కృతజ్ఞతలు తెలియచేస్తారు.

తృతీయ ప్రపంచదేశాలలోనే కాక ప్రపంచవ్యాప్తంగా గణితశాస్త్రం మీద ఆసక్తి తగ్గుతుందనే ఆందోళన ఉంది. పరిశోధనలో ప్రవేశించేవారి సంఖ్య బాగా తగ్గుతుంది. ఒక్క ఖరగ్‌పూర్ ఐఐటిలో థియరిటికల్ మేథమెటిక్స్ వైపు పరిశోధనకు వచ్చే వారు కేవలం ఒక శాతమేనట. మిగతా 99శాతం మంది అప్లయిడ్ మ్యాథ్స్‌వైపు వెడుతున్నారు.

అందుకే ప్రపంచవ్యాప్తంగా గణితం సంక్షోభంలో ఉందని భావిస్తున్నారు. హైదరాబాదు లో జరిగిన 'ఇంటర్నేషనల్ కాంగ్రెస్ ఆఫ్ మేథమెటీషియన్స్'లో పాల్గొన్న మూడు వేల మంది గణితశాస్త్రవేత్తలు ఇదే విషయమై ఆందోళన చెంది, గణిత శాస్త్ర బోధనను ఎలా ఆసక్తికరంగా మలచాలని లోతుగా చర్చించారు. భావిపరిశోధకులుగా మలచాలని దేశవ్యాప్తంగా 400 మంది పరిశోధక విద్యార్థులను ఆహ్వానించడం విశేషం!

గణితశాస్రం-విజ్ఞాన శాస్త్రాలకు రాణిగా పరిగణించబడినా ఆ శాస్త్రంలో నోబెల్ బహుమతి లేదు. కేవలం రసాయన, భౌతిక, జీవ (వైద్య) శాస్త్రాలు, సాహిత్యంలో మాత్రమే ఆల్‌ఫ్రెడ్ నోబెల్ ప్రారంభించాడు. ఆర్థిక శాస్త్రాన్ని ఆ తర్వాత కలిపారు. ప్యూర్ మేథమెటిక్స్‌లో సౌందర్యం ఉంటుంది. ఆసక్తి ఉంటుంది.

అయితే తక్షణ ప్రయోజనం పరిశోధకుడికి ఉండకపోవచ్చు! కానీ అప్లయిడ్ మేథమెటిక్స్ వల్ల లాభం ఉంటుంది, కానీ బోరుగా ఉంటుంది. ఇదీ గణిత శాస్త్రం పరిస్థితి. పాఠశాల స్థాయిలో స్పష్టంగా ఉండే గణితంపై స్థాయికి వెళ్ళే కొద్ది క్రమంగా అరూపంగా మారుతుంది.

అందువల్ల పై స్థాయికి వెళ్ళే కొద్దీ బోధన దెబ్బ తింటుంది. అలాగే స్త్రీలు గణితానికి దూరం అనే అభిప్రాయముంది. అదేదో పురుషుల సొత్తు మాత్రమే అయినట్టు. ప్రపంచవ్యాప్తంగా ఉండే ఈ భావనకు సహేతుకమైన ఆధారం ఏదీ లేదు. కానీ ఏదో సాంస్కృతిక పరమైన ఆలోచన కారణంగా ఇటువంటి భావం స్థిరపడింది.

అయితే ఇటీవల కాలంలో స్త్రీలు బాగా రాణిస్తున్నారు. కానీ ఇక్కడ ఇంకో విషయం గురించి కూడా చెప్పుకోవాలి. మన ఆంధ్రప్రదేశ్‌లో బాలికలు ఎమ్సెట్‌లో రాణించినంతగా, ఐఐటి ప్రవేశపరీక్షలో నెగ్గుకు రాలేక పోతున్నారు. దీనికి సంబంధించి వినబడే వివరణ ఏమంటే ఐఐటి పరీక్షలో విశ్లేషణా సామర్థ్యం అధికంగా ఉండాలని.

గణితంలో పరిశోధన చాలా చౌక. భౌతిక, రసాయన, జీవ శాస్త్రాలలో లాగా పెద్ద పెద్ద ఖరీదైన ప్రయోగశాలలు ఇక్కడ అవసరం లేదు. చిన్న కలం, కాగితాలు ఉంటే చాలు. శ్రీనివాస రామానుజం నోటు పుస్తకాలలో నేటికీ బోధ పడని గణిత శాస్త్ర అంశాలు ఉన్నాయి. కానీ ఇంజనీరింగ్ కు ఫిజిక్స్; ఫిజిక్స్‌కు మ్యాథ్స్‌కు పునాది అని మనకు తెలుసు.

ఎమ్ఎస్‌సి రసాయన శాస్త్రం చదవాలంటే బిఎస్‌సిలో భౌతిక శాస్త్రం చదవాలి. ఎమ్ఎస్‌సి భౌతిక శాస్త్రం చదవాలంటే బి ఎస్ సిలో గణిత శాస్త్రం తప్పనిసరి గా చదవాలి. ఇదీ వరుస. కానీ నేడు కంప్యూటర్, ఐటి హడావుడి అధికమై అమ్మలాంటి గణిత శాస్త్రం నిరాదరణకు గురవుతోంది!

హిందీ రాజ్యంలో తెలుగు తేజం

2010-08-24T05:13:00.001-07:00

హిందీ రాజ్యంలో తెలుగు తేజం
August 23rd, 2010

ఒక్కసారిగా తెలుగు చానళ్లన్నీ ఆనంద పడుతూ ఒకేరకంగా బృందగీతాన్ని ఆలపించాయి. అటువంటి సందర్భం చాలా విశేషంగా వుంటుంది. శ్రీరామ్ ఇండియన్ ఐడల్‌గా ఎంపిక కావడమే అపురూపమైన విషయం. గతంలో కారుణ్య, హేమచంద్ర తృటిలో తప్పిపోయారు. ఆ సందర్భంలో హిందీ చానళ్లు ఉత్తరాది పక్షపాతమని చాలా చర్చలు జరిగాయి. ఎస్‌ఎంఎస్‌లలో రాజకీయాలు సాగుతాయని విమర్శలు వెల్లువెత్తాయి. అయితే ఈసారి తెలుగు కుర్రాడు సోనీ ఇండియన్ ఐడల్-5 ఫేం అధిరోహించడం తెలుగువారి అసంతృప్తిని వమ్ము చేసింది. అంతేకాదు దక్షిణాది పట్ల చానళ్లు చిన్నచూపు అనే అపవాదు కూడా పోయింది.
టీవీ రంగం తారలను తయారుచేస్తోందనే వాస్తవం క్రమం స్థిరపడుతోంది. కారుణ్య, హేమచంద్ర ప ఊర్తిగా విజేతలు కాకపోయి, తర్వాత ఆ ప్రచారం వారికి ఎంతో గుర్తింపు నిచ్చింది. సోనీ షోల తర్వాతనే వారు మ రింత ప్రాచుర్యంలోకి వచ్చారు. ఒకరకంగా చూస్తే సినిమాను మించిన గుర్తింపు టీవీ ద్వారా సిద్ధిస్తోంది. ఒక దశలో టీవీ చిన్నతెర, సినిమా పెద్ద తెర అని భావించేవారు. కానీ నేడు చిన్న తెర ద్వారా మరింత ఆదరణ పొందాలని సినీ తారలు ఆశిస్తున్నారు. ఆగస్టు 24న ఈటీవీలో జగపతిబాబు పాల్గొనే ‘రాజురాణి జగపతి’ అనే షో రాత్రి 9.30కు మొదలైంది. ఇది వరకే హీరో సాయికుమార్ సమర్పించే ‘వావ్’ ఈ టీవీలో ఎంతో ప్రజాదరణ పొందింది. అదే షో అదే యాంకర్‌తో ఈటీవీ కన్నడలో మొదలవుతోంది.
ఇటీవల ఈటీవీ కాస్త వైవిధ్యంగా షోలు రూపొందిస్తూ మిగతా చానళ్లకు గట్టిపోటీ ఇస్తోంది. రాత్రి 9.30కు రెండుజులు ఉదయభాను ‘్ఢ’, రెండు రోజులు సాయికుమార్ ‘వావ్’, రెండురోజులు సంగీతం ఆధారమైన కార్యక్రమాలు ఇలా రక్తికడుతున్నాయి. వార్తా చానళ్లలో ఈటీవీ-2 పోటీపడకుండా సాగిపోతున్నా ఈటీవీ మాత్రం మంచి పోటీ ఇస్తోంది.
* * *
అమెరికా సంస్థ సిబిఎస్, రిలయన్స్ సంస్థ బిగ్ కలిసి చెరిసగం వాటాలతో బిగ్ సిబిఎస్ అనే సంస్థను ఏర్పరిచాయి. రెండు నెలల క్రితం ఈ వార్త భారతీయ టీవీ రంగంలో సంచలనం కలిగించింది. ఇటీవల ఈ ఒప్పందంవల్ల సాధ్యపడే అంశాలు కొన్ని వెల్లడి అయ్యాయి. ఈ సంవత్సరాంతానికి మూడు ఇంగ్లీషు చానళ్లు వస్తాయి. బిగ్ సిబిఎస్‌ప్రైమ్ అనే చానల్ 18-34 వయసున్న వారికోసం ప్రారంభమయ్యే జనరల్ ఎంటర్‌టైన్‌మెంట్ చానల్. బిగ్ సిబిఎస్ స్పార్క్ అనేది 18-24 వయసున్న యువత కోసం కాగా బిగ్ సిబిఎస్ లవ్ అనే చానల్ 18-34 వయసున్న మహిళలకోసం.
మన దేశంలో హిందీ చానళ్ల మధ్యే పోటీ బాగా వుంది కానీ, వినోదాత్మక ఇంగ్లీషు చానళ్ల మధ్య పోటీ తక్కువే అని ఈ సంస్థ అభిప్రాయం. స్టార్ వరల్డ్, జీ కెఫె, జీస్టుడియో తప్ప మరే వినోదాత్మక ఇంగ్లీషు చానల్ ప్రాచుర్యం కాలేదు. కనుక ఇంగ్లీషు చానళ్లకు మార్కెట్ వుందని అభిప్రాయం. ఒక్క భారత దేశమే కాకుండా శ్రీలంక, నేపాల్, భూటాన్, బంగ్లాదేశ్, మాల్దీవులు, పాకిస్తాన్ వంటి దేశాలను కూడా ఆకట్టుకోవచ్చని వీరి వ్యూహం. 2012 కు ప్రపంచంలోనే అత్యధిక డిటిహెచ్ కనెక్షన్లున్న దేశంగా భారతదేశం వుంటుందని ఒక అంచనా. అందువల్ల డిటిహెచ్‌ను కూడా నిర్వహించే బిగ్ సంస్థతో సిబిఎస్ చేతులు కలిపింది. ఈ సంస్థ ముందు ముందు ఇతర భారతీయ భాషలలో ప్రవేశిస్తోంది. అందులో తెలుగు ఖచ్చితంగా వుంటుంది.
* * *
తెలుగు చానళ్లను అవార్డులు ముంచెత్తుతున్నాయి. టాటా డొకొమో సంస్థ లోకల్ టీవీతో కలిసి అవార్డులు ప్రకటించింది. అయితే సమస్య ఏమిటంటే చానళ్లలో ఎంత వైవిధ్యముందో, అవార్డులలో కూడా అంతకు మించిన వైరుధ్యముంది. ఎన్ని చానళ్లకు ఏ అవార్డులిచ్చారో మనకు సులువుగా తెలిసే అవకాశం లేదు. ప్రతి మీడియా సంస్థ తమకు వచ్చిన అవార్డు గురించి ఊదరకొడుతుంది. అవార్డులిచ్చిన సంస్థకు ఆ మేరకు ప్రచారం వుంటుంది. అయితే ఏ మీడియా సంస్థ కూడా ఇతర మీడియా సంస్థలు పొందిన అవార్డుల గురించి చెప్పవు. అవార్డుల సంస్థలు కూడా సాధ్యమైనంత ఎక్కువ చానళ్లకు ఇవ్వాలని ప్రయత్నిస్తాయి. చానళ్లు పాపులర్‌గా మారినట్టు అవార్డులు కూడా అటువంటి రీతిలోనే స్పందిస్తున్నాయి. ఎబిఎన్‌లో ప్రసారమయ్యే ‘ఓపన్ హార్ట్’ కార్యక్రమాన్ని మోస్ట్ పాపులర్ న్యూస్ బేస్డ్ టాక్‌షోగా టాటా డొకొమో తీర్మానించింది. ఇంతవరకు ఏ టీవీ చానల్ కనీసం టీవీ-9కూడా నడవని రీతిలో ఎబిఎన్ షో సాగుతుంది. మందు కొట్టారా అని ఒక నాయకుడినీ, ఎంతమందిని పడేశారని ఓ నాయకురాలినీ...ఇలా ఒక ప్రత్యేకమైన పంథాలో ఈ ఓపన్ హార్ట్ సాగుతుంది. యధా ప్రజ-తధా రాజా అన్నట్టు యధా ఛానళ్లు-తథా అవార్డులు అనవచ్చునేమో!
* * *
అన్నట్టు ఒక కొసమెరుపు లాంటి అంశం చూద్దాం. సీరియళ్లలో ఎపిసోడ్లు వందలు దాటిపోతున్నాయని విమర్శలు మనకు తెలిసిందే! అయితే ఒక అవార్డుల ఫంక్షన్‌లో ఇలాంటి విమర్శ ఎదురైతే అవార్డు పొందిన నిర్మాత చెప్పిన జవాబు ఏమిటో తెలుసా? తమిళం వంటి భాషల్లో వేలసంఖ్యలో (మన తెలుగుకన్నా ఎక్కువగా) సీరియల్ ఎపిసోడ్లు సాగుతున్నాయని

అటు ఇటు కానీ..హృదయంతోటి... చిరంజీవి

2010-08-22T11:00:00.000-07:00

atu-itu kaani

ఎగిరెను తెలుగు బావుటా

2010-08-22T10:38:00.000-07:00

దేశంలో మరే ఇతర భారతీయ భాషా పత్రికలకు తీసిపోని రీతిలో తెలుగు పత్రికా ప్రపంచం వెలుగొందుతోంది. చాలా రాష్ట్రాల్లో వ్యాపించి ఉన్న హిందీ పత్రికలు 90వ దశకం నుంచే పలు రకాలుగా వృద్ధి చెందాయి. అందుకు భిన్నంగా దక్షిణాది పత్రికలు ముప్ఫై ఏళ్ళుగా వృద్ధి చెందాయి. అందువల్ల ఉత్తరాది పత్రికలకన్నా దక్షిణాది పత్రికలే మిన్న అని భావించడం కద్దు. గతంలో మలయాళ, తమిళ పత్రికలు తెలుగు పత్రికల కన్నా ఎక్కువ ప్రతులు అమ్ముడుపోయేవి. కానీ నేడు మలయాళం తర్వాత తెలుగు ఆ స్థానం ఆక్రమించింది. ఇంగ్లీషు పత్రికలతో పోలిస్తే అవి దేశ వ్యాప్తంగా అమ్ముడుపోయినా వాటి సర్క్యులేషన్ మరెంతో గణనీయంగా ఎక్కువ కాదు. ఎక్కువ క్రియాశీలకంగా, సృజనాత్మకంగా, రంగుల హంగులతో ఆకర్షణీయమైన లే-అవుట్‌తో, మంచి ఫొటోలతో ఆసక్తికరమైన శీర్షికలతో చొచ్చుకొని పోతున్న పత్రికలు తెలుగు పత్రికలే. అలాగే మండల స్థాయిలో విలేకరులు కల పత్రికలు కూడా దేశంలో తెలుగువే అని చెప్పుకోవాలి. అదే సమయంలో రాజకీయాలను ఎక్కువ ప్రభావితం చేస్తున్న పత్రికలు కూడా తెలుగు పత్రికలే. శాసనసభలో చాలా సందర్భాల్లో తెలుగు పత్రికలు ప్రదర్శింపబడుతూ చర్చలు కొనసాగడానికి, మలుపు తిరగడానికి దోహదపడుతున్నాయి.

ఐదు దశాబ్దల కిందట పత్రికల నిర్వహణలో వృత్త్ధిర్మం కాకుండా, ఉద్యమస్ఫూర్తి ఊతంగా ఉండేది. కానీ నేడు వృత్తి ధర్మం అంతరించి వ్యాపార పోకడగా మారిపోయింది. సామాజిక సేవ స్థానంలో రాజకీయ, ఆర్థిక ప్రయోజనాలు స్థిరపడ్డాయని విమర్శలు పెరిగాయి. ఈ రెండు దశల మధ్య చాలా మలుపులు ఉన్నాయి. మేమిచ్చినవే వార్తలు, మీ ఆసక్తితో మాకు పనిలేదు. అలాగే మేము పంపినప్పుడే మీరు పత్రిక చదవండి- అనే పరిస్థితులు పూర్తిగా అంతరించిపోయాయి. నిస్తేజంగా, నిర్లిప్తంగా సాగే భాష స్థానంలో అభివ్యక్తి బలంగా ఉండే భాష తయారైంది. ఈ తెలుగు భాషలో ఇంగ్లీషు చేరిపోయిందన్న విమర్శ కూడా ఉందని ఒప్పుకోవాలి. కానీ, వాస్తవానికి వ్యక్తీకరణ అత్యంత ఆకర్షణీయంగా మారింది. అలాగే పత్రికలు విద్యకోసం, సామాజిక అవగాహన కోసం అనే పరిస్థితి దాటి వినియోగం, వినోదం, వాణిజ్యం అనే స్థాయిలో అంశాలు రూపొందాయి. ఒకప్పుడు ఆదివారం అనుబంధం అంటే కళ, సాహిత్య, విజ్ఞాన, సాంస్కృతిక వేదిక అనే రీతిలో ఉండేది. ఇప్పుడు కన్య్సూమర్ గైడ్‌లాగా మారిపోయాయి. పాఠకులను ఆకర్షించడానికి తక్కువ నిడివిలో శీర్షికలు, ఆకర్షించే రంగులు, అంత్యప్రాసలు తయారయ్యాయి. కించిత్ అశ్లీలంగా కూడా పరిణమించాయని మరో విమర్శ ఉంది. అంటే వందశాతం డైనమిక్‌గా పత్రికా రంగం మారిపోయింది. ఇందులో పత్రికలు పెరగటం, పత్రికలు ప్రచురించే పుటలు పెరగటం, పత్రికలు ప్రచురించే అంశాలు పెరగడం, అమ్మకమయ్యే ప్రతుల సంఖ్య పెరగడం విశేషం. ఐదు దశాబ్దాల కిందట లక్ష ప్రతుల సంఖ్య అంటే ఎంతో గగనంగా ఉండేది. మూడు దశాబ్దాల కిందట మలయాళ మనోరమ ఐదు లక్షల సర్క్యులేషన్ అని గొప్పలు చెప్పేవారు. కానీ నేడు తెలుగులో రెండు పత్రికలకు పది లక్షలు మించిన సర్క్యులేషన్ ఉందనేది రేపు ఆడిట్ బ్యూరో ఆఫ్ సర్క్యులేషన్ (ఎ.బి.సి) వెల్లడి చేయబోయే విశేషం. పత్రికలోని అంశాలకన్నా అమ్మకాల్లో పాటించే నైపుణ్యమే కీలకమని విజయవంతమైన పత్రికలు చెబుతున్నాయి.
దేశంలో ఏభాషలోలేని రీతిలో మండల స్థాయిలో విలేఖరులను కలిగి ఉండడం తెలుగు పత్రికల విశేషం. విలేఖరి స్థానిక వార్తలు పంపడమే కాక, పత్రిక అమ్మకాలు, వాణిజ్య ప్రకటనల సేకరణ కూడా పర్యవేక్షించడం ఒక వాస్తవం. సరైన పాత్రికేయ శిక్షణ లేని గ్రామీణ విలేఖరి అధికార వర్గాల చెంత మసిలే అవకాశం రావడంతో కొన్ని అనర్థాలు తప్పక చోటుచేసుకుంటాయి. అయినా కూడా ప్రజాస్వామ్య స్ఫూర్తికి ఆలవాలమైన వికేంద్రీకరణ వాంఛనీయ పరిణామం. దీనికి తగిన స్థాయిలోనే నేడు ప్రతి పత్రికా జిల్లా అనుబంధాలను ప్రత్యేకంగా ప్రచురిస్తున్నాయి. ఈ పరిణామ ఫలితంగా పత్రికలకు ఆర్థిక వనరులు పెరగడంతోపాటు విమర్శల తాకిడి కూడా ఎక్కువైంది.
ఒకప్పుడు సినిమా వార్తలు కావాలంటే ఆదివారందాకా వేచి ఉండాల్సి ఉండేది. అయితే నేడు ప్రతి దినపత్రిక సినిమా వార్తలకోసం ఒకట్రెండు పేజీలు కేటాయించడం పరిణామమే. అంతేకాకుండా చాలా దినపత్రికలు సినిమా వారపత్రికలు ప్రారంభించడం కొంతకాలం క్రితం ఆనవాయితీగా మారింది. తర్వాతి కాలంలో ఎన్టీ రామారావు రంగ ప్రవేశం, టీవీ ప్రభావం కారణంగా సినిమా వార్తలు తొలి పేజీని ఆక్రమించడం సహజమైపోయింది. బాలల కోసం ప్రత్యేకంగా పత్రికలు కొనడం కానీ, నడపడం కానీ అవసరం లేకుండా దినపత్రికలే ఈ అంశాలు కూడా ఇవ్వడం ఇంకో మార్పు. ఇక ఆదివారం సంచికలు వారపత్రికల సైజులోకి మారడంతోపాటు అందులో అంశాలు కూడా ఒకప్పటి వార పత్రికల చట్రంలో ఒదిగిపోవడం ఇంకో విశేషం. అదే సమయంలో కొందరు మాత్రమే చదివే ‘ఓ రకం అంశాలు’ సచిత్ర వారపత్రికల్లో కలిసిపోవడం ఇంకో వాస్తవం. ఆరోగ్యం పేరున నిర్వహించబడే శీర్షికలు సైతం ఈ కోవలోకే వస్తాయి. గతంలో దినపత్రికలంటే డెమీ సైజు, వారపత్రికలంటే 1/4 డెమీ, మాసపత్రికలంటే 1/8 డెమీ అనే సంప్రదాయం ఉండేది. కానీ నేడు దినపత్రికలే కొన్ని పేజీలు డెమీ, మరికొన్ని పేజీలు 1/2 డెమీ, ఇంకొన్ని పేజీలు 1/4 డెమీలో ప్రచురిస్తున్నాయి. ఇతర రకాల పత్రికలకు అంతర్భాగంగా దినపత్రికలు చేసుకున్నాయనడానికి ఇదో దాఖలా. పత్రిక అనగానే ఒకప్పుడు ఆ పత్రిక సంపాదకుడు గుర్తుకు వచ్చేవారు. కానీ నేడు ఆ పత్రిక యజమాని గుర్తుకు వస్తున్నారు. పత్రికల ద్వారా వాణిజ్యం చేసుకుంటున్నారనే విమర్శలు నేడు ప్రముఖంగా వినిపిస్తున్నాయి. కానీ, కాస్త తరచి చూస్తే ఆంధ్రపత్రికను కాశీనాథుని నాగేశ్వరరావుపంతులు అమృతాంజనంతో, గృహలక్ష్మి పత్రికను డాక్టర్ కె.ఎన్.కేసరి లోధ్ర అమ్మకాలతో, కినె్నర సంపాదకుడు పందిరి మల్లికార్జునరావు రీటా అమ్మకాలతో నడిపారనేది ఒక వాస్తవం. అయితే తేడా ఏమిటంటే వారు వాణిజ్యం చేసి లాభాలు గడించి పత్రికలు నిర్వహించారు. కానీ నేడు పత్రికలు ప్రారంభించడానికి ముందుకు వచ్చిన /వస్తున్న వాణిజ్యవేత్తల లక్ష్యాలు వేరుగా ఉన్నాయని విమర్శలు ఉన్నాయి. దీనికి తగ్గట్టుగానే పత్రికలు వార్తాంశాల్ని ఎంపిక చేయడం, అలంకరించడం జరుగుతోంది. అదే సమయంలో ఈ మార్పులతోపాటు సంపాదకుడి స్థానం కుంచించుకుపోవడం ఇంకో పరిణామం. 1976లో తన ‘మూడు దశాబ్దాలు’ సంపాదకీయాల సంకలనానికి ముందుమాట రాస్తూ నార్ల వెంకటేశ్వరరావు ఇలా అంటారు- ‘‘కారణాలేవైనా నేటి సంఘంలో సంపాదకునికి, అతడి సంపాదకీయాలకు పూర్వపు గౌరవ ప్రతిష్టలు లేవు. నా జీవిత కాలంలో సంపాదకుని ప్రతిపత్తి ఇంతగా దిగజారిపోవడం నాకు మరింత బాధాకరం. ఈ శోచనీయ పరిణామానికి నా స్వల్ప పరిధిలో, నా బాధ్యత ఏపాటిదన్న ఆత్మసంశోధన ఇటీవల నన్ను ఎక్కువగా కృంగదీస్తున్నది’’. మరి ముప్ఫై మూడేళ్ళ తర్వాత సంభవించిన విపరిణామాలకు ఎలా వ్యాఖ్యానించాలో కాలం ముందు ముందు నిర్ణయిస్తుంది.
ముఖ్యంగా గత పది, పదిహేనేళ్లుగా టి.వి చానళ్లు, వార్తా చానళ్లు తెలుగులో మూడు పదులు దాటి విస్తరించడంతో తెలుగు పత్రికలు కూడా విశేషంగా మార్పునకు లోనయ్యాయి. ఎప్పటికప్పుడు సంభవించిన విశేషాలను- వార్తలైనా, కాకపోయినా- మరింత మసాలా కలిపి చానళ్లు ఇస్తున్నప్పుడు మరుసటి రోజు పత్రికలు ఏమివ్వాలి అనే మీమాంస కొంతకాలం క్రిందట జరిగి, ఇప్పుడు పరిస్థితి తేటపడింది. సంఘటనల వెనుక ఉండే నేపథ్యాలను కథనాలుగా అలంకరించడం నేటి పత్రికల విధానం. ఆ కథనాలు ఆధారంగా చర్చలు కొనసాగించడం టి.వి చానళ్ల తంతు. అదే సమయంలో వార్తా చానళ్ళు ఇచ్చే పొట్టి, తక్షణ వార్తల ఆధారంగా కథనాలు సిద్ధం చేసుకోవడానికి పత్రికలు ఎంతో శ్రమిస్తున్నాయి. ఈ సరళమైన పరిణామం వెనుక మరో పెద్ద మార్పు జరుగుతోంది. అనివార్యంగా టి.వి చూడక తప్పని పరిస్థితి పాత్రికేయుల, సంపాదకుల మేధో, సృజనాత్మక సామర్థ్యాల విస్తృతికి పెద్ద అవరోధంగా మారిపోయింది.
పత్రికా రంగంలో కంప్యూటర్, ఉపగ్రహం వంటి వెసులుబాట్లతో తాజా వార్తలు తెల్లవారుజాముదాకా ఇవ్వవలసిన పరిస్థితి రావడంతో పాత్రికేయుల ఆరోగ్యం బాగా దెబ్బతినే ప్రతికూల పరిస్థితి దాపురించింది. అంటే మానసిక, శారీరక ఆరోగ్యాలు తీవ్రమైన ఒత్తిడికి లోనుకావడమే. అదే సమయంలో మరో విశేషాన్ని కూడా చర్చించుకోవాలి. ఆసక్తితో, ఆర్తితో సమాజానికి ఏదో చేయాలనే లక్ష్యంతో తక్కువ జీతానికైనా పాత్రికేయులుగా ప్రవేశించాలనే వారి సంఖ్య నేడు బాగా తగ్గిపోయింది. బాగా జీతాలు ఉన్న వృత్తి ఇప్పుడు జర్నలిజం కూడా అని ఒప్పుకోవాలి. అయితే జీతం పెరిగిన స్థాయిలో మేధస్సు, సృజన, భాష, శైలి పెరిగాయనే దాఖలాలు లేవు. నిజానికి భారతదేశమంతటా పతనమవుతున్న పాత్రికేయ రచనల స్థాయి ఒకేలా ఉంది. ఇది వాంఛనీయమైన పరిణామం కాకపోయినా అనివార్యమైన పరిస్థితిగా మారింది. తమ యజమానులకు దోహదపడే, లేదా తమ ఉద్యోగ ఉన్నతికి తోడ్పడే వాదనలను సమాజానికి అవసరమైన ఔషధాలుగా పత్రికా ప్రముఖులు తమ రచనల ద్వారా ఇవ్వడానికి సిద్ధమవడం ఇంకో విపరిణామం. అందువల్లనే పాత్రికేయులకు సంబంధించి రకరకాల అవినీతి ఆరోపణలు వినబడుతుంటాయి. కేవలం వార్తను నివేదించే పాత్రికేయుడే ఈ స్థాయిలో ఉంటే యజమాని గురించి చెప్పనక్కరలేదు. పత్రికా సంస్థలు విశేష రీతిలో భూమి వంటి వనరులను విపరీతంగా సేకరిస్తున్నాయని దేశవ్యాప్తంగా విమర్శలు వినబడుతున్నాయి. అందుకే సమాచార హక్కు పరిధిలోకి మీడియా సంస్థలను, వ్యక్తులను తీసుకురావాలని కొందరు బలంగా వాదిస్తున్నారు.
పత్రికలు ఇంత విస్తరించినా, ఇంత రీతిలో ప్రభావం చూపినా తగిన స్థాయిలో జర్నలిజం విద్య తెలుగులో రూపుదాల్చకపోవడం ఇంకో విషాదం. జర్నలిస్టులకు అవసరమైన పుస్తకాలు గత పదేళ్లలో కొన్ని వచ్చాయిగానీ, అంతకుముందు అటువంటి సౌకర్యాలు లేనే లేవు. అకడమిక్‌గా అవకాశాలు లేకుండా సరైన పుస్తకాలు లేకుండా సగటు యువకుడు పాత్రికేయుడుగా ఎదగడమనేది మామూలు విషయం కాదు. ఇటీవల కాలంలో డిగ్రీ స్థాయిలో పాఠ్యాంశంగా జర్నలిజం బోధించాలనే ప్రయత్నాలు యూనివర్సిటీల్లో పెరిగాయి. ఇంకో తమాషా ఏమిటంటే జర్నలిజం అభ్యసించిన ఎంతోమంది పాత్రికేయ వృత్తిలో ప్రవేశించకుండా పబ్లిక్ రిలేషన్ అధికారులుగా వలసపోవడం లేదా ఈవెంట్ మేనేజర్లుగా స్థిరపడిపోవడం, జర్నలిజం వృత్తిని విడనాడి వాణిజ్యంలో ప్రవేశించడం ఇటీవలి పరిణామం.
ఐదు దశాబ్దాల్లో ఆంధ్రపత్రిక, ఆంధ్ర సచిత్ర వారపత్రిక, భారతి, యువ, జ్యోతి, సినిమారంగం, విజయచిత్ర, ఉదయం సంస్థ పత్రికలు, సినీ హెరాల్డ్, ఆంధ్రప్రభ వారపత్రిక, ఆంధ్రజ్యోతి వారపత్రిక, ఆదివారం ఇలా ఎన్నో పత్రికలు మూతపడ్డాయి. ఇప్పుడు చలామణిలో ఉన్న పత్రికల్లో చాలా పత్రికలు ఈ ఐదు దశాబ్దాల్లో ప్రారంభమైనవే. అలాగే ఒకప్పుడు తెలుగువారు ఆంగ్ల పత్రికా రంగంలో తేజోవంతంగా రాణించారు. కానీ నేడు ఢిల్లీ స్థాయిలో తెలుగు వెలుగులు ప్రకాశించడం లేదు.
ఇటీవల కాలంలో పత్రికల బాగోగులు పరిశీలించడానికి కొన్ని ప్రయత్నాలు జరిగాయి. అంబుడ్స్‌మన్ వ్యవస్థను టైమ్స్ ఆఫ్ ఇండియా ప్రారంభించి కొంతకాలం కొనసాగించింది. హిందూ దినపత్రిక రీడర్స్ ఎడిటర్‌ను, ఇండియన్ ఎక్స్‌ప్రెస్ దినపత్రిక కరెక్షన్స్ ఎడిటర్‌ను కలిగి ఉన్నాయి. కానీ ఏ తెలుగు దినపత్రిక ఈ దిశలో ప్రయత్నించలేదు. ఆంగ్ల పత్రికలను శాసిస్తున్న తక్కువ ధర అనేది తెలుగు పత్రికలు ఇంకా పూర్తిగా స్వీకరించలేదు. అయితే తొలి పుట మొత్తం ప్రకటనలివ్వడం అనే వాణిజ్య పోకడను మాత్రం ఆంగ్ల పత్రికల నుంచి ఇష్టంగా తెలుగు పత్రికలు స్వీకరించాయి.
జర్నలిజం అంటే వడివడిగా చరిత్ర రాయడమనే అభిప్రాయం ఉండేది. కానీ నేడు జర్నలిజమే వడివడిగా మారిపోయింది. ప్రపంచాన్ని అన్ని రకాలుగా ప్రభావితం చేసి శాసించాలనుకునే మీడియా మాత్రం సరైన విమర్శ లేకుండా ఉండిపోతోంది. అందుకే మీడియాకు ఆత్మవిమర్శ అవసరమని భావిస్తున్నారు. నియంత్రణ ఉండాలా, వద్దా, ఉంటే స్వయం నియంత్రణలో ఉండాలా అనేది టి.వి చానళ్ళ సమస్య. కానీ పత్రికా ప్రపంచం టి.వి. చానళ్లకన్నా చాలా వ్యవస్థీకృతమై వృద్ధి చెందుతోంది. అయితే ఔషధం లాంటి విమర్శ, పథ్యంలాంటి ఆత్మవిమర్శను పత్రికాలోకం ఇంకా అలవాటు చేసుకోవాల్సి ఉంది.

టీవీ అవార్డులు ఎందుకు?

2010-08-22T10:22:00.000-07:00

టీవీ-9 చాలా హడావుడిగా 2007లో సంస్కృతి చానల్ ప్రారంభించి ప్రపంచంలోనే తొలి సర్వమత చానల్ అని చెప్పుకుంది. ఎన్‌టివి వారి భక్తికన్నా ముందుండాలని చాలా శ్రమపడింది. అయితే అంతే హడావుడిగా ఒకటిన్నర సంవత్సరంలోపు కారణం వీక్షకులకు చెప్పకుండా టీవీ-1గా పేరుమారింది. ఒకవైపు వార్తా చానల్ అనిపించేలా కొన్ని కార్యక్రమాలు, ఆదాయం కలిగించగలవనే ప్రసారాలు, స్వామీజీల భక్తి ప్రసంగాలు ప్రసారం చేస్తోంది. అయితే ఏదైనా వెగటు పుట్టించేలా చేయడం టీవీ-1 ధోరణి కావచ్చు. పాత పాటలకు చౌకబారు పారడీలు చేయడం అలవాటైంది. అంతకుమించి ఇతర చానళ్ల కార్యక్రమాలను నగుబాటు చేస్తూ ప్రయోగాలు చేస్తోంది. కేవలం ఈటీవీ, జెమినీ మాత్రమే వున్నప్పుడు ‘కళంకిత’ను ‘శోకంకిత’ అంటూ వెటకారం చేసిన కార్యక్రమాలున్నాయి. కానీ ఇటీవల ఆ ధోరణి ఇతర చానళ్లలో లేదు. జీ తెలుగు ప్రాచుర్యంలో బాలకోయిలలు కార్యక్రమం సాగితే ఆ పిల్లలతో గంటలకొద్దీ కార్యక్రమాలు చేసే టీవీ-9 ఎక్కడ టిఆర్‌పి లుంటే అక్కడికే వెడుతుంది. మామూలుగా ఇతర మీడియా సంస్థల గురించి వార్తలు ఇచ్చే విధానంనం లేకుండా స్థిరపడింది. అటువంటి చోట తమకు లాభం కలిగించే రీతిలో ఒకసారి, మరోసారి ఇతరులను గేలి చేసే రీతిలో కార్యక్రమం చేయడం టీవీ-9 విధానం కావచ్చు. ఇతర మీడియా సంస్థలు కూడా సెటైర్లు వేయడం ప్రారంభిస్తే యెటకారం డాట్ ఢాం అవుతుంది. టీవీ-1 విధానం తప్పకుండా మార్చుకోవాల్సి వుందేమో!
* * * *
కాశ్మీర్‌లో ఒక వార్త ప్రసారం కారణంగా హెడ్‌లైన్స్‌టుడే వార్తచానల్‌పై కేసు ఆగస్టు మొదటి వారంలో నమోదైంది. అంతకు నెలముందు అసత్య వార్త ప్రసారం చేసారని న్యూస్‌ఎక్స్ చానల్‌పై కేసు నమోదైంది. ఇటీవలి కాలంలో ఈ ధోరణి పెరిగింది. మన పొరుగు రాష్టమ్రైన మహారాష్టల్రోని కొల్హాపూర్‌లో జీ సంస్థ మరాఠీ ఛానల్ ప్రత్యక్ష ప్రసారం గురించి సైతం సంచలన వార్తను మనంవిన్నాం.
సున్నితమైన అంశాల విషయంలో కూడా సంచలనాలు చేయాలనే పోకడ చానళ్ల పోటీ కారణంగా స్థిరపడిందా? అన్ని విషయాలపట్ల ఒకరకంగా చానళ్లు స్పందించడం సబబుకాదు. వ్యాఖ్యలతో వేడిరాజెయ్యాలనీ, రేటింగులు పెంచుకోవడం దేనికి దారి తీస్తుంది? నేడు మన దేశంలో విభిన్న ప్రాంతాల మధ్య, రాష్ట్రాల మధ్య, భాషల మధ్య చాలారకాల అసంతృప్తులుండవచ్చు.
* * * *
మన దేశంలో అనలాగ్ ప్రసారాలు 2013 డిసెంబర్ 31కి ముగిసిపోయి, డిజిటల్ ప్రసారాలపై పూర్తిగా విస్తరిస్తాయని టెలికాం రెగ్యులేటరీ అధారిటీ ఆఫ్ ఇండియా (ట్రాయ్) ప్రకటించింది. నాలుగు మహానగరాల విషయంలో అయితే ఈ గడువు 2011 మార్చి 31. ఈ ప్రక్రియలో ఇది తొలిస్థాయి. రెండవస్థాయిలో 2-11 డిసెంబర్ 31లోపు పదిలక్షలపైచిలుకు నగరాలు వస్తాయి.తర్వాత సంవత్సరంలో అన్ని మున్సిపాల్టీలు వస్తాయి. చివరి దశలో అంటే డిసెంబర్ 31, 2013కు మిగిలిన ప్రాంతాలన్నీ వస్తాయి.
* * * *
ఏది ఆధార రహితమో, ఏది ఆధార సహితమో తెలియకుండా వార్తలు వస్తూ వుంటాయి. ఇది ఒక్క టీవీకే కాదు, పత్రికలకు కూడా చక్కగా వర్తిస్తూ వుంటుంది. ఒక్కోసారి ఇలా వచ్చే వార్తలు కోర్టులోవుండే కేసులను మలుపులు తిప్పడానికో, లేక మరెవరినో దెబ్బ తీయడానికో ఉద్దేశించి వుండవచ్చు. ఆరుషి హత్య కేసుకు సంబంధిచి ఆగస్టు 9న సుప్రీంకోర్టు చేసిన వ్యాఖ్య మీడియా వైఖరిని పట్టి చూపుతోంది. విశ్వసనీయ కథనాలంటూ చేసే వార్తా కథనాలు ఒక ఆరుషి కేసులోనే కాక, చాలా విషయాల్లో సమస్యలు తెస్తున్నాయని స్పష్టం చేసారు. అయితే ఈ వైఖరి మీడియాకు సమస్య కాగలదని అపుడే మరో వాదన మొదలైంది. 2008లో సూరత్‌సింగ్ అనే న్యాయవాది చేసిన ప్రజాప్రయోజనాల వ్యాజ్యం కారణంగా ‘ఆధారంలేని వార్తలు’ విశ్వసనీయ వర్గాల భోగట్టా’ వంటివి చర్చకు వచ్చాయి.
* * * *
టెలివిజన్ చానళ్లకు అవార్డులు ఇవ్వడం పెరిగింది. 2010లోనే యూనిసెఫ్ అవార్డులు, న్యూస్ టెలివిజన్ అవార్డులు, న్యూఢిల్లీ తెలుగు అకాడమీ అవార్డులు, సిఎంఎస్ అకాడమీ అవార్డులు వంటివి కాక ఇతరాలు కూడా కొన్ని వున్నాయి. అవార్డులు వచ్చాయని ప్రతి చానల్ పలుసార్లు స్క్రోలింగ్ వేసుకుంటున్నాయి. కానీ ఆ సందర్భాల్లో న్యాయ నిపుణులు వై.్భస్కరరావు, పి.సి.రావు వంటి వారు లేదా ఆవుల మంజులత, కె.వి.రమణాచారి, కొల్లి నాగేశ్వర్, ఎన్.్భస్కరరావు వంటివారు చేసిన సహేతుకమైన సూచనలను పట్టించుకుంటున్న దాఖలాలు లేవు. ఈనాడు టెలివిజన్ తెలుగుకు, వ్యవసాయ సంబంధిత కార్యక్రమాలకు చాలా అవార్డులు తీసుకుంటున్నది. కనీసం ఇప్పుడయినా ఇటువంటి కార్యక్రమాల ఫ్రీక్వెన్సీ పెంచాల్సి వుంది. అన్నపూర్ణ కార్యక్రమం నిడివిని టీవీ-5 పెంచాలి. ఏరువాక కార్యక్రమాన్ని ఎన్‌టివి ప్రతిరోజు ప్రసారం చేయాలి. సాక్షి టీవీ పల్లెసీమ కార్యక్రమాన్ని మరలా ప్రారంభించి, వ్యవసాయ అంశాలను పెంచాలి. హెచ్‌ఎంటివి తెలుగు భాషమీద కార్యక్రమం తప్పక ప్రారంభించాల్సి వుంది. మంచి కార్యక్రమాలను గుర్తించి అవార్డులిచ్చే ప్రక్రియ మరిన్ని మంచి కార్యక్రమాలను ప్రేరేపించాలి. అప్పుడే ప్రయోజనం సిద్ధిస్తుంది.

జగదీశ్ చంద్రబోస్

2010-08-22T09:47:00.000-07:00

వేటూరి స్మృతిలో చినుకు

2010-08-22T09:19:00.000-07:00

Media Nadi Aug 22-28, 2010

పోలికలు బాబోయ్... పోలికలు

2009-11-01T09:18:00.000-08:00

జెండాలు పీకేయడం పాతేయడం.... పత్రికల అజెండా కాకూడదు.

2009-11-01T09:10:00.000-08:00

This particle published on 30th Sept 2009

ఇన్ బాక్స్ జర్నలిజం కాలమిది.

2009-11-01T08:55:00.000-08:00

Medianaadi Aug 2-8, 09

this column is posted in 2nd Aug 2009

మీడియాకు ఇంగితం అవసరం

2009-11-01T08:24:00.000-08:00

This Article published in Andhrabhoomi on 2nd Aug 2009

నాకు నచ్చిన పుస్తకం

2009-11-01T08:15:00.000-08:00

This Article Published in Prajashakthi On 2nd Aug 2009.

బ్లాగ్ నమస్కారం... ఎలెక్ట్రానిక్ ఆహ్వానం...

2009-10-12T20:02:00.000-07:00

మనిషి మాట్లడే జంతువని ఒక చమత్కారవంతమైన వ్యాఖ్య ఉంది. సంభాషించడం అనేది మనిషికి అంత కీలకమని మనం గమనించాలి. సాంకేతిక విధానం పరిఢవిల్లిన తర్వాత ముఖాముఖి మాత్రమే మాట్లాడనవసరం లేదు, సమాచార ప్రసారసాధనాలు పెరుగుతూ వచ్చాయి.

రచయితలకు, కళాకారులకూ సంభాషించడం మరింత ముఖ్యం. అందులో భాగంగానే వారి సృజనాత్మక ప్రక్రియలు వాహికలుగా మారిపోతాయి. ఎలెక్ట్రాన్ ను ఊతంగా తీసుకొని మనిషి దూరాన్ని సులువుగా లంఘిస్తున్నాడు. ఫలితంగా ప్రాంతం అనే పరిమితిని అధిగమిస్తున్నాడు. అటువంటి వెసులుబాటు ’బ్లాగ్స్’ ద్వారా లభిస్తోంది. కేవలం సముద్రాలకావల ఉన్నవారినేకాదు, మన దేశంలోనే ఇతర ప్రాంతాలలో ఉన్న వారిని చేరడం అంత సులువు కాదు. మనకు తీరిక ఉన్నపుడు ఆ వ్యక్తికి సమయం ఉండక పోవచ్చు. అందువల్ల ఫోన్ ప్రతిసారీ ప్రయోజనకరంగా ఉండకపోవచ్చు.

ఇక ఒక్కసారి నా గురించి... నా తొలి రచన చిన్న కవిత 1978 లో ఆంధ్రపత్రికలో ప్రచురింపబడింది. అప్పట్లో నేను పదవ తరగతి విధ్యార్థి. 1988 లో ఆకాశవాణీ లో ఉద్యోగంలో చేరాను. 1986 లో తొలి వ్యాసం ’ఆంధ్రప్రభ’ లో ప్రచురణకు ముందు చిన్నాచితక రచనలు కొన్ని ప్రచురింపబడ్డాయి. అంతకుముందే శ్రీ వేంకటేశ్వర విశ్వవిధ్యాలయంలో భౌతికశాస్త్రంలో ఎం ఏస్సీ పూర్తి అయ్యింది. ఒక వైపు భౌతిక శాస్త్ర పరిశోధన మరో వైపు రచనావ్యాసంగం దాదాపు ఒకేసారి మొదలయ్యాయి. ఉద్యోగరీత్యా గోవాలో మూడేళ్ళు పని చేసిన తరువాత 1991 లో ఆంధ్రదేశం వచ్చాక నా రచనల సంఖ్య పెరిగింది. తొలుత కథలు, కవితలు పడినా పిమ్మట దాదాపు ఒక దశాబ్దం పాటు సైన్స్ రచనలు సాగాయి. 1997 లో తెలుగు టీవీ కార్యక్రమాల విశ్లేషణ ప్రారంభమై ఆంధ్రభూమిలో ఒక పుష్కరం పాటు నిరాఘాతంగా సాగింది. మరో వైపు 1999 లో పర్యావరణం మీద శీర్షిక ప్రారంభమై రెండేళ్ళు వార్తలో నడిచింది అదే ’ప్రకృతి-వికృతి’. 2007 లో వార్తా పత్రికల మీద ’మీడియానాడి’ మొదలైంది. వీటన్నిటితో పాటు సాహిత్యవ్యాసాలు అడపాదడపా వస్తున్నాయి, అలాగే సైన్స్ వ్యాసాలు కూడా! మరి పుస్తకాల వివరాలు కూడా ఇదే బ్లాగ్ లో బుక్స్ లింక్ లో లభిస్తున్నాయి.

అయితే పలు పత్రికలలో వివిధ శీర్షికలు రాసేవారికి సమస్య ఉంటుంది. ఫలానా రచయితను చదవాలనే వారికి - ఆయా పత్రికలు లభించకపోవచ్చు. కేవలం ఒక అంశం కోసం ఆ పత్రికను కొనడం సాధ్యం కాకపోవచ్చు, లేదా ఆ పత్రిక దొరక్కపోవచ్చు. వీటికి మించి మరోసమస్య కూడా ప్రస్తుతం తీవ్రమవుతోంది. మనం మరింత ఆధునికమవుతున్నామని భావిస్తుంటాం. అయినా ఆలోచనల మధ్య, వాదాల మధ్య, సిద్దాంతాల మధ్య సామరస్యం తగ్గుతోంది, సమాంతర గళాలకు వేదికలు తగ్గిపోతున్నాయి. ఈ నేపధ్యం లో బ్లాగ్స్ చక్కగా ఉపకరిస్తాయి. అదే సమయంలో పాటకుల స్పందన అక్కడే దర్శనమిస్తుంది. అది కూడా రచయిత రచనతో పాటు డాక్యుమెంట్ అవుతుంది. అందువల్ల వివిధ పత్రికల్లో కనబడే నా రచనలు ఇకనుంచి ఇందులో మీరు చదువుకోవచ్చు, స్పందించవచ్చు. (తాజాకలం: ఈ బ్లాగ్ కు ఎలెక్ట్రానిక్ రాళ్ళెత్తిన మా నాగసూరి కార్తీక్ కు - నాగసూరి వేణుగోపాల్ కృతఙ్నతలతో....)